Yowana 3:15 - Indagano Inyaaya mu-Chijita

¹⁵ korereki bhuri muunu unu kaanyikirisya, abhe na obhuwanga bhwa akajaanende koone.”

INDAGANO INYA:YA

¹⁵ Mu:nu wo:ne unu kamwikirisya abe no buanga bunu butakuwao.

Yowana 3:15 Referans Kwoze

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

1 Yoana 5:1

Woori, omuunu woonewoone unu keekirisya ati Yeesu ni Kirisito, omuunu oyo niwe omwana wa Nyamuwanga. Ka wone, woonewoone unu keenda omwibhusi wa omwana, keenda na abhaana bha omwibhusi oyo.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yowana 6:47

“Ni chimari enibhabhwira ati, omuunu woonewoone unu kaanyikirisya, oyo ari na obhuwanga bhwa akajaanende koone.

Yowana 1:12

Nawe abhaanu bhoone bhanu ꞉bhaamuramiiye na okumwikirisya, ꞉aabhayaaye obhuturo bhwa okubha abhaana bha Nyamuwanga.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Ruuka 19:10

Okubha anye Omwana wa Omuunu ꞉neejire okuyenja na okuchungura abhaanu bhanu bhabhurire.”

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.

Baeburania 10:39

Mbe, eswe chitari rwa abhaanu bhanu abhasiga okuruubha Nyamuwanga, nibhasingaarika. Tari chiri aamwi na bhanu abhamwikirisya, nibhachunguka.

Ebikorwa 8:36

Omwanya gunu bhaariga nibhagenderera na orugendo ku‑njira eyo, nibhakinga anu gaariga gari amanji. Omukuru oyo ˆnaabhwira Firipo ati, “Rora, anu gari‑wo amanji! Niki chinu echinganya okubhatiijibhwa?” [

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

2 Bakorinto 4:3

Nawe noorwo araabha Emisango ja Ekisi jinu echiraasya jiswikiiywe na echitambaara, jisige okumenyekana, ejibha jiswikiiywe era ku‑bhanu abhabhura.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Ebikorwa 13:41

‘Emwe bhanu omugaya, muringire! Muruguure, rindi musingaarike, kwa okubha enikora omusango mu‑siku jeemwe gunu mutarigwikirisya, noorwo omuunu akabhasomboorera!’”

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Yowana 6:27

Mwasiga okukora emirimu inguru ya okubhona ebhiryo bhinu ebhinyamuka, tari mukorega emirimu inguru ya okubhona ebhiryo bhinu bhitakunyamuka, ka wone ebhiyaana abhaanu obhuwanga bhwa akajaanende koone. Anye Omwana wa Omuunu, eniyaana abhaanu ebhiryo ebhyo, kwa okubha Raata Nyamuwanga anaaye obhuturo bhwa okukora kutyo.”