Yowana 21:17 - Indagano Inyaaya mu-Chijita

¹⁷ Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

INDAGANO INYA:YA

¹⁷ Namubu:sya orwa kasatu ati, ?Simoni wa Yona, ounyenda? Petero nasurumbara okuba amubu:sya orwa kasatu ati, ?Ounyenda? Namubwira ati, Ratabugenyi, awe umenyere byone. Umenyere ati enikwenda. Yesu namubwira ati, Ri:syaga jina:ma jani.

Yowana 21:17 Referans Kwoze

Yowana 13:38

Yeesu ˆnaamusubhya ati, “Angu, chimari wiiteeye‑wo okufwa inguru yaani? Ni chimari enikubhwira ati, rikookorome richaari okukookoroma, owubha waanyigaanire kasatu.”

Mariko 14:72

Awoawo, rikookorome nirikookoroma rwa kabhiri. Awoawo, Peetero ˆneechuka omusango gunu Yeesu ꞉aamubhwiriiye ati, “Rikookorome richaari okukookoroma kabhiri, owubha waanyigaanire kasatu.” Peetero ejire eechuka ogwo, ˆnaarira amasiga mogomogo.

Yowana 16:30

Woori chaasombookerwa ati umenyere joone, ka wone utakukena omuunu akubhuusye omusango gwonegwone. Ejo nijo jaakora chiikirisye ati, usookere ku‑Nyamuwanga.”

Obhusweruro 2:23

Ka wone, chimari niriita chimwi abharuubhirisya bhaaye. Niwo abhaanu bha amakanisa goone bharimenya ati, anye enitatirisya kisi omutima na obhwiganirisya bhwa bhuri muunu. Ka wone, niririya bhuri owumwi weemwe okuruubhana na ebhikorwa bhyaye.

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

Ebikorwa 15:8

Nyamuwanga niwe kaamenya emyoyo ja abhaanu, ꞉eeresiisye ati bhanu bhatari Bhayawudi wone kaabheekirisya kwa okubhayaana Mwoyo Mweru, rwa kutyo ꞉aachiyaanire eswe wone.

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 14:15

“Araabha mukanyeenda, murigwata ebhiraagiro bhyani.

2 Petero 3:1

Abheendwa bhaani, inyarubha inu ni ya kabhiri inu enibhakaamira. Ku‑nyarubha joone ebhiri niikomeesiisye okwimusya obhwiganirisya bhwemwe bhwa ekisi, ku‑njira ya okubheechukya.

1 Petero 1:6

Mbe mukondererwe muno emisango ejo, noorwo kutyo ku‑mwanya mufuyi gunu, omutura okusurumbara inguru ya amaregeejo maafu ga bhuri mbaga.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Ebikorwa 1:24

Nibhasabhwa Nyamuwanga nibhaayikaga ati, “Raatabhugenyi, naawe owumenya emyoyo ja abhaanu bhoone. Kurwa ejo, echikusabhwa ucheeresye, ni wuuya agati ya abhabhiri bhanu unu usorere

Yowana 18:27

Peetero ˆneegaana rindi ati, “Nitari anye.” Awoawo, rikookorome nirikookoroma.

Yowana 18:4

Yeesu ꞉aamenyere joone jinu jaariga jeenderwe jikorekane ku‑mwene. Mbe, ˆnaafogera imbere kutooto, ˆnaabhuusya abhaanu bhanu bhaariga bheejire awo ati, “Angu, omuyenja ga?”

Yowana 12:8

Abhataka bhari na emwe siku joone. Nawe anye nitaribha aamwi na emwe siku joone.”

Matayo 25:40

Niwo anye Omukama, niribhasubhya ati, ‘Ni chimari enibhabhwira ati, choonechoone chinu ꞉mwakoreeye woonewoone mu‑bharuubhirisya bhaani unu kaabhonekana wuti atari wa obhusibhusi, mbe ꞉mwakoreeye anye.’

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

Yowana 21:18

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Yowana 4:16

Yeesu ˆnaamubhwira ati, “Genda ubhirikire omurume waawo, uuje nage anu.”

Ebikorwa 11:10

Omusango ogwo nigukorekana kasatu, ku‑bhuteero ebhiinu ebhyo bhyone nibhisubhibhwa mu‑rwire.