Yowana 20:26 - Indagano Inyaaya mu-Chijita

²⁶ Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

INDAGANO INYA:YA

²⁶ Jaturao siku ita:nu ne:satu, abe:igisibwa bae bariga bari mu nyumba rindi, na Tomaso ariga:ri nabo, Yesu na:ja, jinjigi ji:gae, nabe:meregurumo, na:ika ati, Omurembe gube nemwe.

Yowana 20:26 Referans Kwoze

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Yowana 20:21

Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Ruuka 9:28

Jejire jaatura siku etaanu na esatu, Yeesu aamarirega okwayika emisango ejo, ˆnaagega Peetero, Yowana na Yakobho, ˆnaariinya aamwi nabho ku‑chiima, korereki asabhwe Nyamuwanga.

Matayo 17:1

Jejire jaatura siku etaanu na rumwi, Yeesu ˆnaagega Peetero, Yakobho na Yowana omumura waabho. ˆNaariinya nabho ku‑chiima echireera muno, anu abhaanu bhaariga bhatari.

Mariko 16:14

Ku‑bhuteero, Yeesu ˆnaasoromokera abheeyigisibhwa bhaaye ekumi na umwi, omwanya gunu bhaariga bhari aamwi, nibharyaga ebhiryo. ˆNaabhagonya inguru ya obhukomeeye bhwa emyoyo jeebhwe, kwa okubha ꞉bhaaremere okwikirisya emisango ja abheejaabho bhanu ꞉bhaarorere Yeesu omwanya gunu ꞉aasuuruuywe okusooka mu‑bhafuuwe.

Ruuka 24:36

Omwanya gunu bhaariga bhachaayika inguru ya emisango ejo, awoawo Yeesu omwene ˆneemereeguru agatigati yeebhwe. ˆNaabhabhwira ati, “Omurembe gubhe aamwi na emwe!”

Yowana 11:16

Mbe Tomaasi, unu bhaamubhirikiraga wone ati Marongo, ˆnaabhwira abheeyigisibhwa abheejaabho ati, “Eswe wone chigende, korereki chifwe aamwi nage.”

Yowana 21:1

Ejo jejire jaawa, Yeesu ˆnaasoromokera rindi abheeyigisibhwa bhaaye ku‑njekekera ya inyanja ya Tibheeriyo. Omusango ogwo ꞉gwakorekeene kutya.

Yowana 21:14

Orwo rwariga ruri rwa kasatu Yeesu okusoromokera abheeyigisibhwa bhaaye okusookerera omwanya gunu ꞉aasuurukire okusooka mu‑bhafuuwe.

Ebikorwa 1:3

Ejire aasuuruka okusooka mu‑fwa, ꞉aamarire siku makumi gana, ˆneebhuurisya ku‑tumwa ejo kwiya kaafu. Mu‑bhibharikisyo bhyafu aabheeresyaga abhwerubhweru ati ni muwanga na aabheeyigisyaga emisango ja obhukama bhwa Nyamuwanga.