Yowana 20:25 - Indagano Inyaaya mu-Chijita

²⁵ Mbe, abheeyigisibhwa abhandi bharya nibhamubhwira ati, “Eswe chaarora Raatabhugenyi.” Nawe omwene ˆnaabhasubhya ati, “Anye nitakutura okwikirisya ejo nichaari okurora jingʼofu ja emisumaari mu‑bhiganja bhya amabhoko gaaye, na okukuunʼya mu‑ngʼofu ejo na echaara chaani, na okukuunʼya mu‑mbafu jaaye na okubhoko kwani.”

INDAGANO INYA:YA

²⁵ Mbe abe:igisibwa abandi, nibamubwira ati, Cabwene Ratabugenyi. Omwene nababwira ati, Ariba nitarorere jiŋofu je misumari mu biganja byae, nintako eca:ra cani mu ŋofu je misumari, ninta no kuboko kwani mu rubafu rwae, nitari:kirisya na katyari.

Yowana 20:25 Referans Kwoze

Yowana 6:30

Abheene nibhamubhuusya ati, “Owuja okukora echibharikisyo ki, korereki chichirore na okukwikirisya? Owuja okukora chiinu ki?

Mariko 16:11

Nawe bhejire bhoongwa okusooka ku‑Maryamu ati aarora Yeesu ari muwanga kerechu, ꞉bhateekirisiisye.

Baeburania 3:18

Ka wone, ni bhaanu ki bhanu Nyamuwanga ꞉aarayire ati ataribheekirisisya wuri noorwo na akatyari okwingira orubhaara rwa okwisya omwoyo, orubhaara runu abheeraabhiiye? Bhatari bhanu ꞉bhaaremere okumugayuka?

Baeburania 3:12

Emwe abhayiri bhaani mu‑riikirisya, mwiyangarirega, korereki aasiga okubha‑wo omuunu woonewoone mw‑imwe unu ari na omutima omubhiibhi, gwa okurema okwikirisya, ka wone unu kaarema okuruubha Nyamuwanga omuwanga.

Yowana 21:7

Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja.

Yowana 1:41

Awoawo Andereya ˆnaagenda okuyenja Simooni, omumura waabho. Ejire aamubhona, ˆnaamubhwira ati, “Eswe chaarora Masiya!” Obhugajuro bhwa omusango Masiya ni “Kirisito.”

Ruuka 24:25

Yeesu ˆnaabhabhwira ati, “Abhataamutaamu emwe! Kurwa ki emyoyo jeemwe ni mikomeeye okwikirisya emisango jinu ꞉jaayikirwe na abharagi?

Matayo 27:42

Araabha chimari ni mukama wa Abhayisirayeeri, mbe neeke okusooka ku‑musarabha, niwo eswe wone echija okumwikirisya.

Mariko 16:13

Bhejire bhaamumenya, nibhasubha okubhwira abheeyigisibhwa abheejaabho, nawe abho ꞉bhateekirisiisye emisango jeebhwe ejo.

Mariko 16:14

Ku‑bhuteero, Yeesu ˆnaasoromokera abheeyigisibhwa bhaaye ekumi na umwi, omwanya gunu bhaariga bhari aamwi, nibharyaga ebhiryo. ˆNaabhagonya inguru ya obhukomeeye bhwa emyoyo jeebhwe, kwa okubha ꞉bhaaremere okwikirisya emisango ja abheejaabho bhanu ꞉bhaarorere Yeesu omwanya gunu ꞉aasuuruuywe okusooka mu‑bhafuuwe.

Yowana 20:27

Mbe, Yeesu ˆnaabhwira Tomaasi ati, “Awe Tomaasi, nuukuunʼye anu na echaara chaawo. Ringira ebhiganja bhyani. Nuukuunʼye na okubhoko kwawo mu‑rubhafu rwani. Usige okugenderera okurema okwikirisya, tari wiikirisye.”