Yowana 20:24 - Indagano Inyaaya mu-Chijita

²⁴ Omwiyigisibhwa umwi ku‑bheeyigisibhwa ekumi na bhabhiri bharya bha Yeesu, risiina ryaye aatogwaga Tomaasi, unu bhaabhirikiraga ati Marongo, aariga atari aamwi na abheeyigisibhwa abhandi omwanya gunu Yeesu ꞉aabhasoromokeeye.

INDAGANO INYA:YA

²⁴ Nawe Tomaso, oumwi kwikumi na babiri, unu atogwaga Barongo, ariga atari nabo runu Yesu ejire.

Yowana 20:24 Referans Kwoze

Yowana 11:16

Mbe Tomaasi, unu bhaamubhirikiraga wone ati Marongo, ˆnaabhwira abheeyigisibhwa abheejaabho ati, “Eswe wone chigende, korereki chifwe aamwi nage.”

Baeburania 10:25

Chaasiga okusiga okubhugana aamwi, rwa kutyo abhaanu abhandi bhaasigire okubhugana. Tari chigenderere okusimbiisyanya noorwo okukira awo, okubha chimenyere ati orusuku rwa okusubha kwa Raatabhugenyi ruri yeeyi.

Yowana 21:2

Simooni Peetero, Tomaasi unu bhaamubhirikiraga ati, Marongo, Natanayeri unu ꞉aasookereeye Kaana mu‑Gariraaya, abhaana bhabhiri bha Jebhedaayo, na abheeyigisibhwa abhandi bhabhiri bhaariga bhari aamwi.

Yowana 14:5

Niwo, Tomaasi ˆnaabhuusya Yeesu ati, “Raatabhugenyi awe, eswe chitakumenya enu owuja. Angu, echitura kutiki okumenya injira?”

Matayo 10:3

Firipo, Bhatoromaayo, Tomaasi, Mataayo unu aariga ari mutobhesya wa rigooti, Yakobho omwana wa Arufwayo, Tadaayo,

Matayo 18:20

Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

Yowana 6:71

Mu‑kwayika kutyo, Yeesu aariga ˆnaayikira Yuuda, omwana wa Simooni Isikariyooti. Yuuda oyo, niwe ꞉aaromeeye Yeesu iniku, noorwo kutyo aariga ari umwi mu‑bheeyigisibhwa bha Yeesu ekumi na bhabhiri.