Yowana 20:21 - Indagano Inyaaya mu-Chijita

²¹ Yeesu ˆnaabhakeesya rindi ati, “Omurembe gubhe aamwi na emwe. Rwa kutyo Raata ꞉aantumire, nyabhuriko anye wone enibhatuma.”

INDAGANO INYA:YA

²¹ Mbe Yesu nasuba okubabwira ati, Omurembe gube nemwe. Rwa kutyo Rata antumire anye, nanye one enibatuma emwe.

Yowana 20:21 Referans Kwoze

Yowana 13:20

Ni chimari enibhabhwira ati, omuunu woonewoone unu kaakuma unu anye nitumire, kaankuma anye. Nyabhuriko, unu kaankuma anye, kaakuma unu ꞉aantumire.”

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Matayo 10:40

“Omuunu woonewoone unu kaabhakuma, kaabha aankumire. Ka wone, omuunu woonewoone unu kaankuma, kaabha akumire Nyamuwanga unu antumire.

Matayo 10:16

“Mutegeresye, enibhatuma rwa jinaama agati ya emisege. Mbe, mubhega na obhwenge rwa jinjoka, na mubhega abhoorooro rwa ebhiguuti.

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Yowana 20:19

Yejire yaakinga keegoro orusuku orwoorwo, abheeyigisibhwa bha Yeesu nibheekumanya mu‑nju imwi. Bhejire bheengira nibheegara jinjigi, isonga iri ati bhoobhayaga abhatangasya bha Abhayawudi. Noorwo kutyo jinjigi jaariga jigaaywe, Yeesu ˆnaabhonekana abhwerubhweru, na okwimereeguru agati yeebhwe, ˆnaabhabhwira ati, “Omurembe gubhe aamwi na emwe!”

Ruuka 24:36

Omwanya gunu bhaariga bhachaayika inguru ya emisango ejo, awoawo Yeesu omwene ˆneemereeguru agatigati yeebhwe. ˆNaabhabhwira ati, “Omurembe gubhe aamwi na emwe!”

Yowana 20:22

Ejire aamara okwayika ejo, ˆnaabhafuuyira omwika, ˆnaabhabhwira ati, “Muramire Mwoyo Mweru.

Yowana 20:26

Jejire jaatura siku etaanu na esatu, abheeyigisibhwa bha Yeesu nibheekumanya aamwi rindi mu‑nju. Orusuku orwo Tomaasi wone aariga ari aamwi nabho. Bhaariga bheegaye jinjigi, nawe Yeesu ˆnaabhonekana abhwerubhweru, ˆneemereeguru agatigati yeebhwe, ˆnaabhakeesya ati, “Omurembe gubhe aamwi na emwe!”

Ebikorwa 1:2

okukingira orusuku runu ꞉aagegerwe okugenda mu‑rwire. Achaari okugegwa, ꞉aasoosiisye amaragiriro okutura ku‑Mwoyo Mweru, ku‑tumwa jaaye jinu ꞉aawuuwe, inguru ya emirimu jinu abhaja okukora.

3 Yoana 1:14

Tari, eniiyikanya okukugosorera bhwangu na okwayika aamwi na awe chibhuganganyiisye ameeso.