Yowana 2:15 - Indagano Inyaaya mu-Chijita

¹⁵ Yeesu ejire aarora ejo, ˆnaayosya omujaridi gwa jingoye, ˆnaabhirimya bhoone bhanu bhaariga nibhagusya ebhiinu mu‑rubhuga rwa Riyekaru, aamwi na jinaama na jiingʼa. Ka wone, ˆnaajuguna eyo jipirya ja bhanu bhaariga nibhajiyingya na okugaramura jimeeja jeebhwe.

INDAGANO INYA:YA

¹⁵ Nakora jingoe orukoba, nabairisyamo bo:ne mu yekaru, na jina:ma na jingʼa. Ne:ta jimpirya ja banu baingyaga jimpirya, nafumbika jimeja jebwe.

Yowana 2:15 Referans Kwoze

2 Bakorinto 10:4

Ebhigwato bhyeswe bhya riremo eryo, bhitari bhya mu‑chaaro munu, tari bhiri na obhuturo bhwa Nyamuwanga, na ebhisingaarisya obhwirukiro bhwone bhwa omusoko.

Yowana 18:6

Mbe, Yeesu ejire aabhabhwira ati, “Naanye,” abhasirikare abho nibhasubha inyuma nibhagwa aasi.

Matayo 21:12

Niwo Yeesu ˆneengira mu‑rubhuga rwa Riyekaru rya Nyamuwanga. Ejire eengira omwo, ˆnaasongʼana abhaanu bhaafu bhanu bhaariga nibhagusya na okugura ebhiinu, ˆnaabhabhirimya bhoone. ˆNaagaramura jimeeja ja abhaanu bhanu bhaariga nibhayingya jipirya, ˆnaagaramura wone ebhitebhe bhya abhaanu bhanu bhaariga nibhagusya ebhiguuti.

Yowana 2:14

Ejire aakinga, ˆneengira mu‑rubhuga rwa Riyekaru rya Nyamuwanga. Ejire eengira omwo, ˆnaasongʼana abhaanu bhanu bhaariga nibhagusya jiingʼa, jinaama, na ebhiguuti inguru ya okusoosya echoogo. Abhaanu abhandi bhaariga bheenyanjire nibhayingyaga jipirya ja okukorera emirimu mw‑Iyekaru.

Yowana 2:16

Niwo ˆnaabhwira bhanu bhaariga nibhagusya ebhiguuti ati, “Musoosye munu ebhiinu bhinu! Musige okukora inju ya Raata waani okubha eguriro!”

Ebikorwa 27:32

Niwo abhasirikare abho nibhatema jingoye jinu jaariga jibhoyeeye obhwato obhwo, nibhabhusiga bhuyeywe mu‑nyanja.