Yowana 19:34 - Indagano Inyaaya mu-Chijita

³⁴ Nawe omusirikare umwi ˆnaasoma Yeesu richumu mu‑rubhafu. Mbe, awoawo isagama na amanji nibhiwurura.

INDAGANO INYA:YA

³⁴ Nawe omusirikare oumwi namusoma mu rubafu na ricumu, aonao nigaso:kamo amanyinga na manji.

Yowana 19:34 Referans Kwoze

1 Yoana 5:6

Mbe, Yeesu Kirisito ꞉aasweruuywe ati ni Mwana wa Nyamuwanga ku‑njira ya obhubhatiijo bhwaye mu‑manji na ku‑njira ya okwita isagama yaaye ku‑musarabha. Itari kwa okubhatiijwa mu‑manji era, tari kwa okubhatiijwa mu‑manji na okwa okwita isagama.

1 Yoana 5:8

Okubha bhari‑wo abhabhambaasi abhasatu bhanu abheekirisyanya [mu‑rwire, Raata Nyamuwanga, Musango na Mwoyo Mweru. Abhasatu bhanu ni bhumwi.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

Baeburania 9:22

Okuruubhana na ebhiraagiro bhya Muusa, orwamba nirwo rwariga nirwesya wuti bhuri chiinu. Araabha orwamba ruteetikire, Nyamuwanga atakufwira echigongo abhaanu ebhibhiibhi bhyebhwe.

Baeburania 9:13

Okuruubhana na ebhiraagiro bhya Muusa, abhagabhisi bhaariga nibhamiijirira orwamba rwa jimbusi na orwa jindume na riifu rya echinyara ku‑bhaanu bhanu bhaariga bhari bhajabhi, korereki bheesibhwe emibhiri jeebhwe.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

Matayo 27:62

Orusuku rwa kabhiri, runu rwariga ruri rusuku rwa Isabhaato, abhakuru bha abhagabhisi na Abhafarisaayo nibheekumanya ku‑Piraato.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

Yowana 19:33

Nawe bhejire bhaagenda ku‑Yeesu, nibhamusongʼana afuuwe, kurwa ejo ꞉bhataamubhutuuwe amaguru.

Yowana 20:20

Yeesu ejire aamara okubhabhwira ejo, ˆnaabheeresya amabhoko gaaye na orubhafu rwaye. Abheeyigisibhwa bhaaye bhejire bhaarora Raatabhugenyi, nibhakonderwa.