Yowana 19:30 - Indagano Inyaaya mu-Chijita

³⁰ Yeesu ejire aarabha isese eyo, ˆnaayika ati, “Naamara omurimu gwani!” Mbe, ˆneenamya omutwe gwaye, ˆnaafwa.

INDAGANO INYA:YA

³⁰ Mbe Yesu wejire amara okuyabwa isiki, na:ika ati, Gawao. Ne:namya omutwe gwae naso:sya omwoyo.

Yowana 19:30 Referans Kwoze

Yowana 17:4

Anye neeresya rikusyo ryawo ku‑bhaanu bhoone ku‑chaaro kunu, kwa okukuumisya emirimu jinu ꞉waantumire okuuja okukora.

Bafilipi 2:8

꞉Aabhonekeene ari na orususo rwa omuunu, ˆneekeeya, ˆnaagayuka Nyamuwanga, ˆneekirisya okufwa, noorwo okufwa ku‑musarabha!

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Yowana 10:11

“Anye naanye omureefi wa ekisi. Omureefi wa ekisi kaasoosyaga obhuwanga bhwaye inguru ya jinaama jaaye.

Ruuka 23:46

Yeesu ˆnaamura obhuraka ˆnaarira ati, “Raata awe! Enituura omwoyo gwani mu‑mabhoko gaawo.”

Barumi 10:4

Kirisito ꞉aakuumisiisye ebhiraagiro bhyone bhya Muusa, korereki abhaanu bhoone bhanu abhamwikirisya, bhabharwe okubha abharengeresi imbere ya Nyamuwanga.

Yowana 19:28

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.

Mariko 15:37

Yeesu ˆnaamura obhuraka ˆnaarira, niwo ˆnaafwa.

Yowana 10:18

Atari‑wo omuunu unu kaatura okunsoosisya‑wo obhuwanga bhwani. Anye omwene naanye enibhusoosya‑wo. Niri na obhuturo bhwa okubhusoosya‑wo, ka wone niri na obhuturo bhwa okubhuramira rindi. Nikwo kutyo Raata waani ꞉aandagiriiye okukora.”

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 27:50

Awo, Yeesu ˆnaamura rindi obhuraka ˆnaarira, niwo ˆnaafwa.

Baeburania 9:22

Okuruubhana na ebhiraagiro bhya Muusa, orwamba nirwo rwariga nirwesya wuti bhuri chiinu. Araabha orwamba ruteetikire, Nyamuwanga atakufwira echigongo abhaanu ebhibhiibhi bhyebhwe.

Barumi 3:25

Nyamuwanga ꞉aamuteeye‑wo abhe echoogo cha okugwatanya abhaanu na Nyamuwanga, korereki bhafwirwe echigongo ebhibhiibhi bhyebhwe, kwa okwikirisya ati Yeesu ꞉aafuuwe inguru yeebhwe. Nyamuwanga ꞉aakorere kutyo, korereki eeresye ati ni murengeresi, kwa okubha ꞉eegumiirisiisye, ꞉ataayaaye abhaanu ebhitiibha ku‑bhibhiibhi bhinu ꞉bhaakorere omwanya gwa inyuma.

Matayo 3:15

Yeesu ˆnaamusubhya ati, “Awe ikirisya era umbatiije woori, kwa okubha echikenwa okukuumisya obhurengeresi bhwone.” Mbe, Yowana ˆneekirisya, ˆnaamubhatiija.

1 Bakorinto 5:7

Kutyo mwiyesyega, ku‑njira ya okusoosya omuunu omujabhi oyo agati yeemwe, rwa okusoosya‑wo echifwimbya cha kara. Awo niwo muribha abhaanu abhayaaya, rwa echirengo echiyaaya chinu chitari na echifwimbya. Nikwo kutyo mwamarire okubha, kwa okubha Kirisito, omwana wa inaama weeswe wa Okwambuka, aamarire okusoosibhwa okubha echoogo korereki achichungure.

Ruuka 22:37

Okubha jikaamirwe ati, ‘꞉Aabhariiywe aamwi na abhakosi bha ebhibhiibhi.’ Emisango ejo, ꞉jaakaamirwe inguru yaani. Emisango jinu ꞉naakaamiiywe ni bhusibhusi jikuumire.”