Yowana 18:15 - Indagano Inyaaya mu-Chijita

¹⁵ Simooni Peetero na omwiyigisibhwa owundi bhaariga nibharuubhirira Yeesu inyuma. Omwiyigisibhwa owundi wurya, aariga amenyekeene ku‑mugabhisi omukuru. Kurwa ejo, omwene oyo niwe ꞉eengiiye na Yeesu mu‑rubhuga rwa inju ya omugabhisi omukuru.

INDAGANO INYA:YA

¹⁵ Mbe Simoni Petero no mwiigisibwa oundi nibaru:ba Yesu. Mbe omwiigisibwa wuriya ariga amenyerwe omugabisi Omukuru, nengira aamwi na Yesu mu rugo rwo mugabisi Omukuru.

Yowana 18:15 Referans Kwoze

Ruuka 22:54

Awoawo, abhaanu abho, nibhakurumuka, nibhagwata Yeesu, nibhamusira mu‑nju ya omugabhisi omukuru. Peetero aariga ˆnaamuruubhirira ari‑wo kura.

Mariko 14:54

Omwanya gunu bhaagendaga, Peetero aaruubhiriraga Yeesu ari‑wo kura. ˆNaagenda okukingira ku‑rubhuga rwa inju ya omugabhisi omukuru. ˆNeenyanja okwo aamwi na abhariisi bha omugabhisi omukuru, ˆnaabhiraga omuriro.

Matayo 26:3

Mbe, omwanya ogwo abhakuru bha abhagabhisi na abhakuru bha Abhayawudi, nibheekumanya mu‑nju ya omugabhisi omukuru unu risiina ryaye aatogwaga ati Kayaafa.

Yowana 18:24

Mbe, Anaasi ˆnaaragirira ati bhagege Yeesu abhoyerwe kutyokutyo, bhamusire ku‑mugabhisi omukuru, Kayaafa.

Yowana 18:28

Mbe bhwejire bhwacha, abhatangasya bha Abhayawudi nibhagega Yeesu okusooka ku‑Kayaafa. Nibhagenda nage mw‑iyumba rya omutungi wa Echiruumi. Nawe abheene ꞉bhateengiiye‑mo, korereki bhaasiga okwijabhiyasya nibhataamibhwa okurya ebhiryo bhya ichikukuru ya Okwambuka.