Yowana 17:8 - Indagano Inyaaya mu-Chijita

⁸ kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

INDAGANO INYA:YA

⁸ Okuba emisango jinu wananire nabajiyae, nibajigwata nibamenya cimari ati naso:kere kwawe, nibe:kirisya ati na:we wantumire.

Yowana 17:8 Referans Kwoze

Yowana 17:14

Naabhabhwira emisango jinu unaaye. Nawe abhaanu bha ku‑chaaro kunu abhabhasoka, kwa okubha abheeyigisibhwa bhaani bhatari bha ku‑chaaro kunu, rwa kutyo anye nitari wa ku‑chaaro kunu.

Yowana 15:15

Nitachaabhatoga rindi ati, muri bhagaya, kwa okubha omugaya atakumenya gunu omwami waaye kaakora. Nawe emwe naabhaswerurira joone jinu noongwa okusooka ku‑Raata waani, kutyo niraabhatogega ati, muri bhasaani bhaani.

Yowana 16:30

Woori chaasombookerwa ati umenyere joone, ka wone utakukena omuunu akubhuusye omusango gwonegwone. Ejo nijo jaakora chiikirisye ati, usookere ku‑Nyamuwanga.”

Yowana 16:27

Raata omwene abheendere emwe, kwa okubha emwe wone munyendere anye, ka wone mwikirisiisye ati ꞉naasookere ku‑Raata.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

Yowana 17:21

Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Yowana 14:10

Angu, utakwikirisya ati anye niri na obhumwi na Raata, na Raata ari na obhumwi na anye? Emisango jinu enibhabhwira jitakusooka mu‑bhwiganirisya bhwani, nawe Raata, unu ari na obhumwi na anye, niwe kaakora emirimu jaaye okutura kw‑anye.

Yowana 12:49

Anye nitaayika emisango ejo ku‑bhuturo bhwani omwene, tari Raata unu antumire, niwe ꞉aandagiriiye emisango ja okwayika, na kutyo enija okujaayika.

Yowana 6:68

Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

1 Bakorinto 15:1

Woori, abhayiri bhaani mu‑riikirisya, enibheechukya Emisango ja Ekisi jinu ꞉naaraasiisye kw‑imwe, na emwe nimujiramira. Ejo nijo ejibhareterera okwimereeguru murumateene.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 17:18

Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

1 Bakorinto 11:23

Ameeyigisyo ganu ꞉naaramiiye okusooka ku‑Raatabhugenyi Yeesu, nigo ganu ꞉naabhayaaye ati, ingeta inu ꞉aateeywe mu‑mabhoko ga abhasoko, ꞉aagegere omukaate,

Yowana 3:33

Omuunu woonewoone unu keekirisya obhubhambaasi bhwaye, keeresya ati jinu Nyamuwanga kaayika ni ja chimari,

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.