Yowana 17:4 - Indagano Inyaaya mu-Chijita

⁴ Anye neeresya rikusyo ryawo ku‑bhaanu bhoone ku‑chaaro kunu, kwa okukuumisya emirimu jinu ꞉waantumire okuuja okukora.

INDAGANO INYA:YA

⁴ Anye nakukusi:sye ku:si, okuba omurimu gunu wananire okukora nagumarire.

Yowana 17:4 Referans Kwoze

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

Yowana 19:30

Yeesu ejire aarabha isese eyo, ˆnaayika ati, “Naamara omurimu gwani!” Mbe, ˆneenamya omutwe gwaye, ˆnaafwa.

Yowana 14:31

Jinu enikora nijo jinu Raata andagiriiye okukora, korereki abhaanu bhoone bhasombookerwe ati nimwendere. “Woori, mwimereeguru chisooke anu.”

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 14:13

Araabha mukasabhwa echiinu choonechoone kw‑isiina ryani, anye enija okubhakorera. Kurwa ejo, rikusyo rya Raata riribhonekana okutura kw‑anye Omwana waaye.

Yowana 12:28

Raata Nyamuwanga, yeeresya rikusyo rya risiina ryawo.” Mbe, obhuraka okusooka mu‑rwire nibhwayika ati, “Neeresya rikusyo rya risiina ryani, ka wone nirigenderera okukora kutyo.”

Yowana 9:3

Yeesu ˆnaabhasubhya ati, “Unu atari muwofu okuruubhana na ebhibhiibhi bhyaye, amwi ebhibhiibhi bhya abheebhusi bhaaye. Tari ꞉eebhuuywe ari muwofu, korereki obhuturo bhwa Nyamuwanga bhubhonekane ku‑bhaanu mu‑bhurame bhwa omuwofu oyo.

Yowana 5:36

Nawe obhubhambaasi bhunu anye niri nabhwo ni bhunene okukira bhwa Yowana bhurya, kwa okubha emirimu jinu Raata ꞉aanaaye okukuumisya, nijo ejeeresya ati, Raata niwe ꞉aantumire.

Ruuka 22:37

Okubha jikaamirwe ati, ‘꞉Aabhariiywe aamwi na abhakosi bha ebhibhiibhi.’ Emisango ejo, ꞉jaakaamirwe inguru yaani. Emisango jinu ꞉naakaamiiywe ni bhusibhusi jikuumire.”

Yowana 19:28

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.