Yowana 17:22 - Indagano Inyaaya mu-Chijita

²² Rikusyo rinu ꞉waanaaye, anye wone naayaana abheeyigisibhwa bhaani, korereki bhabhe chiinu chimwi, rwa kutyo anye na awe chiri chiinu chimwi.

INDAGANO INYA:YA

²² Nanye rikusyo rinu wananire nabariyae, babega umwi, rweswe kutyo ciri umwi.

Yowana 17:22 Referans Kwoze

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

Yowana 14:20

Ku‑rusuku orwo murimenya ati, anye niri na obhumwi na Raata waani, na emwe muri na obhumwi na anye, na anye niri na obhumwi na emwe.

Yowana 1:16

Okuruubhana na obhukuumiiye bhwa omuunu oyo, chiyaaywe obhwitiriranya obhundi ku‑bhundi.

Baefeso 2:20

Muri rwa inju inu yumbakirwe ku‑rufuka rwa jitumwa na abharagi. Kirisito Yeesu omwene, ari rwa ribhuyi rinene rya orufuka.

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

2 Bakorinto 5:20

Mbe, Kirisito achitumire okukora emirimu jaaye, na okutura kw‑iswe Nyamuwanga keerembeeresya abhaanu ati, bhagwatanyibhwe nage. Echibhasabhwa inguru ya Kirisito ati, mugwatanyibhwe na Nyamuwanga.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Mariko 6:7

ˆNaabhirikira abheeyigisibhwa bhaaye ekumi na bhabhiri. ˆNaabhayaana obhuturo bhwa okusoosya amasambwa mu‑bhaanu, ˆnaabhatuma bhabhiribhiri.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

Obhusweruro 21:14

Indugu eyo, yaariga yumbakirwe ku‑mabhuyi ekumi na gabhiri ga orufuka. Bhuri ribhuyi ryariga rikaamirwe‑ko risiina rya owumwi wa jitumwa ekumi na bhabhiri bha Omwana wa Inaama.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

Bafilipi 1:29

Okubha mutayaaywe echibharo cha okwikirisya Kirisito era, tari muyaaywe wone echibharo cha okunyaasibhwa ku‑songa yaaye.

Barumi 8:30

Mbe, bhanu aariga aaramuuye okusookerera kara bhabhe abhaanu bhaaye, nibho bhanu ꞉aabhirikiiye, nibho bhanu ꞉aabharire okubha abharengeresi, na nibho bhanu ꞉aaragire ati aribhayaana rikusyo.

1 Yoana 4:17

Ku‑njira eyo, eryenda ryaye erikuumira mu‑myoyo jeeswe, korereki chibhe na ribhaasi orusuku rwa okuramurwa. Okubha obhurame bhweswe mu‑chaaro munu, bhuri rwa kutyo Yeesu ꞉aaramire.