Yowana 16:5 - Indagano Inyaaya mu-Chijita

⁵ Mbe, woori enigenda ku‑Raata, oyo niwe ꞉aantumire kw‑imwe. Nawe atari‑wo woonewoone agati yeemwe wa okumbuusya ati, ‘Angu, owuja aaki?’

INDAGANO INYA:YA

⁵ Nawe woryanu enigenda ku unu antumire, ka atariwo kwimwe unu kambu:sya ati, ?Ouja a:ki?

Yowana 16:5 Referans Kwoze

Yowana 13:36

Mbe, Simooni Peetero ˆnaabhuusya Yeesu ati, “Raatabhugenyi awe, owuja aaki?” Yeesu ˆnaamusubhya ati, “Enija anu awe woori utakutura okunduubha, nawe omwanya gunu oguuja owuja okunduubha.”

Yowana 7:33

Niwo Yeesu ˆnaabhwira abhaanu abho ati, “Nichaari aamwi na emwe katungu katooto era. Aribha neeya nirisubha ku‑unu ꞉aantumire.

Yowana 16:28

꞉Neejire ku‑chaaro kunu okusooka ku‑Raata, nawe woori enisooka ku‑chaaro kunu, enisubha rindi ku‑Raata.”

Yowana 17:4

Anye neeresya rikusyo ryawo ku‑bhaanu bhoone ku‑chaaro kunu, kwa okukuumisya emirimu jinu ꞉waantumire okuuja okukora.

Yowana 16:10

Aribheeresya ati anye niri murengeresi, kwa okubha enigenda ku‑Raata na mutarindora rindi.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Yowana 13:3

Yeesu ꞉aamenyere ati Esemwene ꞉aamuyaaye obhuturo bhwa okutunga ebhiinu bhyone. Ka wone, aariga amenyere ati ꞉aasookere ku‑Nyamuwanga, na ati arisubha ku‑Nyamuwanga.

Yowana 16:16

“Kachaasigaaye‑wo katungu katooto era, mutakuja okundora, ka wone akatungu ako kaakawa, murindora rindi.”

Yowana 14:28

꞉Mwoonguuwe jinu ꞉naabhabhwiriiye ati, ‘Enigenda, nawe niriija rindi kw‑imwe.’ Araabha chimari mwakanyendere, mwakabheeye nimukonderwa okuungwa ati enigenda ku‑Raata, kwa okubha Raata ni mukuru okukira anye.

Yowana 6:62

Woori, jiribha kutiki aribha mwandora anye Omwana wa Omuunu, nindiinya okugenda mu‑rwire anu naariga niri ku‑bhwambiro?

Yowana 17:13

“Raata, woori eniija kw‑awe. Enaayika emisango jinu omwanya gunu nichaari‑wo ku‑chaaro kunu, korereki abheeyigisibhwa bhaani bhabhe na rikonderwa ryani ryone mu‑myoyo jeebhwe.

Yowana 16:17

Mbe, abheeyigisibhwa bhaaye abhandi nibhabhuusyanya ati, “Angu, obhugajuro bhwaye niki okwayika ati, ‘Kachaasigaaye‑wo katungu katooto era, mutakuja okundora, ka wone akatungu ako kaakawa, murindora rindi,’ na ati, ‘Kwa okubha enigenda ku‑Raata’?”