Yowana 16:27 - Indagano Inyaaya mu-Chijita

²⁷ Raata omwene abheendere emwe, kwa okubha emwe wone munyendere anye, ka wone mwikirisiisye ati ꞉naasookere ku‑Raata.

INDAGANO INYA:YA

²⁷ Okuba Rata omwene abendere, okuba munyendere anye, na mwikirisisye ati naso:kere ku Rata.

Yowana 16:27 Referans Kwoze

Yowana 14:21

Omuunu woonewoone unu kaamenya na okugwata ebhiraagiro bhyani, oyo niwe aanyendere. Na omuunu unu aanyendere, Raata waani arimwenda. Na anye nirimwenda na okwiyeresya ku‑mwene.”

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

1 Petero 1:8

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

2 Bakorinto 5:14

Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

Yowana 16:30

Woori chaasombookerwa ati umenyere joone, ka wone utakukena omuunu akubhuusye omusango gwonegwone. Ejo nijo jaakora chiikirisye ati, usookere ku‑Nyamuwanga.”

Matayo 10:37

Omuunu woonewoone unu keenda esemwene amwi nyiramwene okukira anye, oyo ateeyire okubha omwiyigisibhwa waani. Ka wone, omuunu woonewoone unu keenda omwana waaye amwi omuyaasya waaye okukira anye, oyo wone ateeyire okubha omwiyigisibhwa waani.

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Baeburania 12:6

Okubha Raatabhugenyi kaakengya bhuri muunu unu Raatabhugenyi keenda. Ka wone kaayaana ebhitiibha bhuri muunu unu Raatabhugenyi keekirisya abhe omwana waaye.”

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Yowana 7:29

Anye nimumenyere, kwa okubha nisookere ku‑mwene. Omwene niwe ꞉aantumire.”

Yowana 3:13

Atari‑wo omuunu woonewoone unu arajiiye mu‑rwire. Nawe anye Omwana wa Omuunu, naanye ꞉neejire okusooka mu‑rwire.

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.