Biblia Todo Logo
Bib sou entènèt

- Piblisite -




Yowana 16:22 - Indagano Inyaaya mu-Chijita

22 Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe.

Gade chapit la Kopi

INDAGANO INYA:YA

22 Mbe nemwe wori omusurumbara, nawe niribarora rindi, ne mitima jemwe jirikonderwa, na ka atario unu aribaso:syako kukonderwa kwemwe.

Gade chapit la Kopi




Yowana 16:22
40 Referans Kwoze  

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,


Nawe abheeyigisibhwa bha Yeesu bha Atiyookiya ya Pisiidiya eyo, nibhabha na rikonderwa enene nibhagendereraga okwijusibhwa Mwoyo Mweru.


Mwasurumbara muno mu‑myoyo jeemwe, kwa okubha naabhabhwira ati enigenda ku‑Raata.


Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,


Yejire yaakinga mu‑bhwire agati, Pawuro na Siira bhaasabhwaga na okumwimbira Nyamuwanga jinyimbo ja okumukusya, enu abhabhoywa abheejaabho nibhabhategeresyaga.


Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,


Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.


Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.


Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.


Omwiyigisibhwa unu Yeesu aariga eendere muno, ˆnaabhwira Peetero ati, “Ni Raatabhugenyi!” Simooni Peetero ejire oongwa ati ni Raatabhugenyi, ˆnaafwara omwenda gwaye gunu ꞉aafuurire omwanya gunu ꞉aambire okutega, ˆneeyesa mu‑nyanja.


Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.


Yeesu ˆnaagenderera okwiyigisya ˆnaayika ati, “Musige okusurumbara mu‑myoyo jeemwe, mwikirisye Nyamuwanga, ka wone munyiikirisye na anye.


Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”


Mbe, abheeyigisibhwa bhaaye ꞉bhateekirisiisye echimari echo, kwa okubha ꞉bhaakondeeywe muno na okutangʼangʼara. Niwo, Yeesu ˆnaabhabhuusya ati, “Angu, muri‑yo na ebhiryo bhyonebhyone anu?”


“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.


Nawe, guri‑wo omusango gwa ekisi gumwi era okukira joone. Omusango ogwo ni kuntegeresya anye. Ogwo nigwo omuyara oweejaanyu Maryamu eetoora. Atari‑wo omuunu woonewoone unu kaatura okumuteesya omusango ogwo.”


Niwo abhagasi abho, nibhagenda bhwangu okusooka ku‑fwa awo bhari na obhuyayu na rikonderwa enene. Nibhabhirima okugenda okubhwira abheeyigisibhwa bha Yeesu jinu maraayika oyo aabhabhwira.


Ni chimari enibhabhwira ati, emwe muririra na okusurumbara, nawe abhaanu bha ku‑chaaro kunu bharikonderwa. Murisurumbara, nawe obhusurumbaaye bhwemwe bhuriyinduka okubha rikonderwa.


“Omwene ˆnaabhabhwira ati, ‘Ni chimari ati, bhuri muunu unu kaakorera emirimu kisi, ebhiinu bhinu kaayaanwa, kaja okwongesibhwa ebhindi. Omuunu unu atakubhikorera emirimu kisi, noorwo echitooto chinu ari nacho kaja okuteesibhwa.


“Kachaasigaaye‑wo katungu katooto era, mutakuja okundora, ka wone akatungu ako kaakawa, murindora rindi.”


Guchaari mwanya mufuyi era abhaanu bha ku‑chaaro kunu bhatarindora. Nawe emwe murindora kwa okubha anye enirama, emwe wone murirama.


Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.


Swiv nou:

Piblisite


Piblisite