Yowana 16:20 - Indagano Inyaaya mu-Chijita

²⁰ Ni chimari enibhabhwira ati, emwe muririra na okusurumbara, nawe abhaanu bha ku‑chaaro kunu bharikonderwa. Murisurumbara, nawe obhusurumbaaye bhwemwe bhuriyinduka okubha rikonderwa.

INDAGANO INYA:YA

²⁰ Ni cimari cimari enibabwira ati, Emwe muririra, nimurira jimamu, nawe i:si kukonderwa. Emwe murisurumbara, nawe Obusurumbae bwemwe buriinduka kuba kukonderwa.

Yowana 16:20 Referans Kwoze

Yakobo 1:2

Abhayiri bhaani mu‑riikirisya, mukonderwaga muno omwanya gunu omuregeejibhwa amaregeejo ga bhuri mbaga,

Matayo 5:4

Bhari na ribhando bhanu abhasurumbara woori, kwa okubha Nyamuwanga aribhasimbiisya.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

Mariko 16:10

Maryamu oyo ˆnaagenda, ˆnaabhwira bhanu bhaariga bhari aamwi na Yeesu, na omwanya ogwo bhaariga nibharira na okusurumbara.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Ruuka 24:21

Nawe eswe cheeyikanyaga ati, niwe akeeruuye Yisirayeeri. Okusookerera emisango ejo jikorekane, reero ni rusuku rwa kasatu.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Barumi 5:11

Mbe, okukira ejo joone, Nyamuwanga achikorere chikonderwe muno okutura ku‑Raatabhugenyi weeswe Yeesu Kirisito, kwa okubha omwene niwe achigwatanyiisye na Nyamuwanga.

Ruuka 24:17

ˆNaabhabhuusya ati, “Ni misango ki jinu omuribhaata nimusimura ku‑njira kunu?” Abheene nibheemereeguru bhasurumbaayega.

Ruuka 23:27

Echise echinene cha abhaanu chaariga nichiruubha Yeesu inyuma. Mu‑bhaanu abho, bhaariga bhari‑mo abhagasi bhanu bhaariga nibhamuririra na okumusurumbarira.

Obhusweruro 18:7

Mumubhume jimbuma na okumunyaasya okwingana na kutyo ꞉aakorere okwibhonera echibharo na obhuniibhi. Okubha omwene keeyema mu‑mwoyo gwaye, ˆnaayika ati, ‘Niinyanjire okutunga rwa omugore, noorwo anye nitaribha omutumbagasi, kwa okubha nitari na omurume, nitarisurumbara wuri!’

Obhusweruro 11:10

Orufu rwa abharagi abhabhiri abho rurikora abhaanu bha ku‑chaaro anu bhakonderwe na okukora obhuregesi na okugenyana emigemu. Bharikora kutyo, kwa okubha abharagi abho ꞉bhaabhanyaasiisye muno.

Ebikorwa 5:41

Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Yowana 16:6

Mwasurumbara muno mu‑myoyo jeemwe, kwa okubha naabhabhwira ati enigenda ku‑Raata.

Ruuka 22:62

Niwo, Peetero ˆnaawuruka anja, ˆnaarira muno.

Ruuka 22:45

Ejire aamara okusabhwa Nyamuwanga, ˆneemereeguru, ˆnaasubha ku‑bheeyigisibhwa bhaaye, ˆnaasongʼana bhawongeeye bheejuuywega obhusurumbaaye.

Ruuka 6:21

Muri na ribhando emwe, bhanu omuungwa omweko woori anu, kwa okubha, muriigutibhwa. Muri na ribhando emwe, bhanu omurira woori anu, kwa okubha, muriseka.

Mariko 14:72

Awoawo, rikookorome nirikookoroma rwa kabhiri. Awoawo, Peetero ˆneechuka omusango gunu Yeesu ꞉aamubhwiriiye ati, “Rikookorome richaari okukookoroma kabhiri, owubha waanyigaanire kasatu.” Peetero ejire eechuka ogwo, ˆnaarira amasiga mogomogo.

1 Batesalonika 1:6

Emwe noorwo kutyo ꞉mwanyaasiibhwe muno inguru ya eriikirisya ryemwe, ꞉mwaruubhire omusango ogwo kwa rikonderwa rinu ꞉mwayaanirwe na Mwoyo Mweru. Kwa okukora kutyo, ꞉mwaruubhire echijekekanyo cheeswe na echa Raatabhugenyi Yeesu.

Yowana 20:20

Yeesu ejire aamara okubhabhwira ejo, ˆnaabheeresya amabhoko gaaye na orubhafu rwaye. Abheeyigisibhwa bhaaye bhejire bhaarora Raatabhugenyi, nibhakonderwa.

Matayo 21:38

Nawe abharimi bharya bhejire bhaarora omwana waaye, nibhaayikana ati, ‘Unu niwe aryanjura ebhiinu bhya esemwene. Chimwite korereki eswe neeswe chigege omwandu gwaye.’