Yowana 15:18 - Indagano Inyaaya mu-Chijita

¹⁸ Yeesu ˆnaagenderera okwiyigisya ati, “Araabha abhaanu bha ku‑chaaro kunu bhaakabhasoka, mumenye ati ꞉bhaambire okunsoka anye.

INDAGANO INYA:YA

¹⁸ I:si irabasokaga, mumenye ati, yambire okusoka anye icari kubasoka emwe.

Yowana 15:18 Referans Kwoze

1 Yoana 3:13

Kurwa ejo, abheekirisya abheejaasu, mwasiga okuruguura araabha abhaanu bhanu bhatakugayuka Nyamuwanga bhaakabhasoka.

Yowana 7:7

Abhaanu bha ku‑chaaro kunu, bhatari na injuno ya okukora bhabhasoke. Nawe abhansoka anye, kwa okubha enibhabhwira ati, ebhikorwa bhyebhwe ni bhibhiibhi.

Yowana 3:20

Abhaanu bhoone bhanu abhakora ebhikorwa ebhijabhi, abhabhiyiririrwa obhweru obhwo. Bhatakwenda okuuja mu‑bhweru, korereki ebhikorwa bhyebhwe ebhijabhi bhyasiga okutuurwa abhweru.

Mariko 13:13

Abhaanu bhoone bharibhasoka, isonga iri ati omunduubha. Nawe, unu ariigumiirisya okukingira ku‑bhuteero, oyo niwe arichunguka.”

Ruuka 6:22

Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.

Matayo 10:22

Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

Matayo 5:11

“Emwe muri na ribhando araabha abhaanu abhabhafuma, abhabhanyaasya na okubhakuurisya omusango gwonegwone omubhiibhi ku‑songa yaani.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.

Matayo 24:9

Ku‑mwanya ogwo, abhaanu bharibhaga nibhabhanyaasya na okubheeta na abhaanu bha amaanga goone bharibhasoka kwa okubha muri bharuubhirisya bhaani.

Yowana 16:1

“Naabhabhwira joone ejo korereki mwasiga okusiga eriikirisya ryemwe.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.