Yowana 15:16 - Indagano Inyaaya mu-Chijita

¹⁶ Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

INDAGANO INYA:YA

¹⁶ Tari imwe nemwe mwansorere anye, nawe nanye nabasorere emwe, nimbatao, mugende mutwasyega amatwasyo, na matwasyo gemwe ge:kareo, co:ne cinu murasabwaga Rata mwisi:na ryani, acibayanega.

Yowana 15:16 Referans Kwoze

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Ruuka 6:13

Bhwejire bhwacha, ˆnaabhirikira abheeyigisibhwa bhaaye. Mu‑bheene abho ˆnaawura‑mo ekumi na bhabhiri, abho nibho ˆnaatoga jitumwa jaaye. Jitumwa ejo, nibho bhanu,

Bagalatia 1:15

Nawe Nyamuwanga, ꞉aansorere nichaari kwibhurwa, ˆnambirikira ku‑bhwitiriranya bhwaye, ˆnaaramura

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.

Ebikorwa 22:14

“ˆNaagenderera okumbwira ati, ‘Nyamuwanga wa bhasaaja weeswe akusorere, korereki umenye okwenda kwaye, urore Omurengeresi waaye na okuungwa obhuraka bhwaye omwene.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

Yowana 6:70

Niwo Yeesu ˆnaabhabhwira ati, “꞉Naasorere emwe ekumi na bhabhiri okubha abheeyigisibhwa bhaani, nawe owumwi weemwe ni wa Syetaani.”

1 Petero 3:15

Ka wone, siku joone, mubhe mwimaririiye okusubhya omuunu woonewoone unu aribhabhuusya chinu omwiyikanya. Nawe mukore kutyo, mu‑bhworooro na echibharo.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

Ebikorwa 1:24

Nibhasabhwa Nyamuwanga nibhaayikaga ati, “Raatabhugenyi, naawe owumenya emyoyo ja abhaanu bhoone. Kurwa ejo, echikusabhwa ucheeresye, ni wuuya agati ya abhabhiri bhanu unu usorere

Barumi 15:4

Joone jinu ꞉jaakaamirwe kara mu‑Bhikaame Ebhyeru, ꞉jaakaamirwe inguru ya okuchiiyigisya. Ebhikaame ebhyo ebhichisakira okwigumiirisya mu‑bhinyaasyo bhyeswe na okufungʼamibhwa, korereki chibhe na obhwiyikanyo.

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Matayo 21:22

Araabha muri na eriikirisya, choonechoone chinu omusabhwa ku‑Nyamuwanga, muriramira.”

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

1 Bakorinto 10:11

Mbe, emisango ejo joone ꞉jaabhabhwene, ꞉jaakaamirwe korereki bhibhe ebhijekekanyo bhya okuchikengya eswe bhanu chiri mu‑siku jinu ja obhuteero.

Barumi 9:21

Jitari ati omumogi wa jinyungu ari na obhuturo bhwa okukorera emirimu rimoga rwa kutyo keenda? Kaatura okumoga jinyungu ebhiri okusooka kw‑imoga eryoeryo, inyungu imwi ibhe inguru ya emirimu eja echibharo, na eyindi ibhe ya okukorera emirimu ja bhuri rusuku.

Yakobo 3:18

Abhaanu bha omurembe bhanu abhareeta omurembe, nibho bharigesa obhurengeresi.

Baeburania 11:4

Eriikirisya niryo ꞉ryakorere Abheeri ˆnaasoosisya Nyamuwanga echoogo cha ekisi okukira chinu Kayini ꞉aasoosiisye. Ku‑riikirisya eryo Nyamuwanga ꞉aabharire Abheeri okubha omuunu omurengeresi, na ˆnaaramira echoogo chaaye. Noorwo kutyo Abheeri ꞉aafuuwe, nawe eriikirisya ryaye erigenderera okubha echijekekanyo cha ekisi kw‑iswe noorwo reero inu.

Tiito 1:5

꞉Naakusigire Kireete awo, korereki utuure‑wo obhwisombooro bhwa ekisi ku‑misango ejindi jinu jisigaaye, aamwi na okusora abhakaruka bha rikanisa mu‑bhuri rara, rwa kutyo ꞉naakweresiisye.

Bakolosai 1:6

Emisango ja Ekisi jinu ꞉jaakingire kw‑imwe, woori ejiswirana mu‑chaaro choone. Ejigenderera okukora abhaanu bhatwasye amatwasyo na okukura echinyamwoyo, rwa kutyo ꞉jaakorekeene kw‑imwe okusookerera orusuku runu ꞉mwoonguuwe inguru ya obhwitiriranya bhwa Nyamuwanga na okusombookerwa kisi kutyo obhwitiriranya bhwaye bhuri.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Ebikorwa 10:41

꞉Ataabhonekeene ku‑bhaanu bhoone, tari ku‑bhanu Nyamuwanga aariga aamarire okwawura okubha abhabhambaasi okumurora. Abhabhambaasi abho ni eswe, ꞉chaamurorere, ꞉chaariiye na okunywa aamwi nage, ejire aamara okusuuruka okusooka mu‑bhafuuwe.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Barumi 1:13

Abhayiri bhaani, eneenda musombookerwe ati, kwiya kaafu naariga niikararira okubhakinga‑ko, nawe okukinga woori niyingiriiywe. Eneenda nibhaaje‑ko, korereki nikongye abhaanu mw‑imwe bharuubhe Raatabhugenyi Yeesu, rwa kutyo ꞉naakongiisye abhaanu abhandi bhanu bhatari Bhayawudi.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Matayo 7:7

“Musabhwega Nyamuwanga, kaja okubhayaana chinu omumusabhwa. Muyenjega ku‑Nyamuwanga, kaja okubhayaana chinu omuyenja. Mwibhuurega ku‑Nyamuwanga, kaja okubheegurira orwigi.

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.