Yowana 14:6 - Indagano Inyaaya mu-Chijita

⁶ Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

INDAGANO INYA:YA

⁶ Yesu namubwira ati, Nanye injira, nanye okumasya, nanye obuanga. Atario unu ka:ja ku Rata, atari mwanye.

Yowana 14:6 Referans Kwoze

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”

Yowana 10:9

Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Yowana 1:4

Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Yowana 8:32

Ka wone omuja okumenya echimari, na echimari echo, echija okubhakora mubhe abheetaage.”

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.

Obhusweruro 20:15

Omuunu woonewoone unu risiina ryaye ryariga ritakaamirwe mu‑chitabho cha obhuwanga, oyo wone ꞉eeserwe mu‑nyanja ya omuriro.

Yowana 15:1

Yeesu ˆnaagenderera okwiyigisya ati, “Anye naanye riiti rya rijabhiibhu gwa echimari, na Raata waani niwe omurimi.

Matayo 11:27

Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Yowana 8:51

Ni chimari enibhabhwira ati, omuunu woonewoone unu kaagayuka ameeyigisyo gaani, atarifwa wuri.”

1 Yoana 2:23

Omuunu woonewoone unu kaarema Omwana wa Nyamuwanga, atari na obhumwi na Raata Nyamuwanga. Nawe, unu keekirisya Omwana, imbere ya abhaanu, kaabha na obhumwi na Raata Nyamuwanga wone.

Yowana 10:28

Anye enijiyaana obhuwanga bhwa kajaanende koone, na jitaribhura wuri. Ka wone atari‑wo omuunu unu kaatura okujisaakura okusooka mu‑mabhoko gaani.

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Yowana 6:33

Ebhiryo bhya Nyamuwanga ni bhinu bhiikire okusooka mu‑rwire, korereki bhiyaane abhaanu bhoone ku‑chaaro kunu obhuwanga bhwa akajaanende koone.”

Yowana 14:19

Guchaari mwanya mufuyi era abhaanu bha ku‑chaaro kunu bhatarindora. Nawe emwe murindora kwa okubha anye enirama, emwe wone murirama.

Yowana 6:57

Raata omuwanga ꞉aantumire, anye wone enibhona obhuwanga okusooka ku‑mwene. Nyabhuriko, omuunu woonewoone unu kaandya, kaabhona obhuwanga okusooka kw‑anye.

1 Petero 2:4

Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Bakolosai 3:4

Mbe, obhurame obhwo obhuruubhana na Kirisito. Omwanya gunu aribhuurika, niwo emwe wone muribhuurika aamwi nage na okusangira aamwi rikusyo ryaye.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

Yowana 6:68

Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

1 Petero 1:21

Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

Obhusweruro 19:11

Nejire neeya, nindora orwire rwigukire. Ringira, ifwaraasi iinyeru na unu aariga ayiriinyire‑ko kaatogwa ati, “Mwiyikanyibhwa” na “Owa Echimari.” Niwe kaaramura na okurwana riremo kwa obhurengeresi.

Bakolosai 2:9

kwa okubha obhukuumiiye bhwone bhwa Nyamuwanga bhuri mu‑mwene, mu‑mubhiri gwa echinyamuunu.

1 Yoana 5:6

Mbe, Yeesu Kirisito ꞉aasweruuywe ati ni Mwana wa Nyamuwanga ku‑njira ya obhubhatiijo bhwaye mu‑manji na ku‑njira ya okwita isagama yaaye ku‑musarabha. Itari kwa okubhatiijwa mu‑manji era, tari kwa okubhatiijwa mu‑manji na okwa okwita isagama.

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Bakolosai 2:17

Ebhyo bhyone ni rengesi rya emisango jinu jiriija. Nawe emisango ja echimari ejibhonekana mu‑Kirisito omwene.

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Baeburania 9:8

Okuruubhana na emisango ejo joone, Mwoyo Mweru kaacheeresya ati injira ya okwingira Ayeeru a Ayeeru yaariga ichaari okwigurwa ku‑bhaanu abhandi, omwanya gunu riyeema rya okwamba na obhutinge bhwaryo bhwariga bhuchaari‑wo.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Ebikorwa 9:2

ˆnaamusabhwa ati, amuyaane jinyarubha ja okumumenyesya, agende najo mu‑nju ja ameekofyanyo ga Abhayawudi mu‑musi gwa Damaasiko. Jinyarubha ejo ni ja okumwikirisisya ati, akasoongʼana eyo abharuubhirisya bha Injira ya Yeesu, bhabhe abharume amwi abhagasi, abhabhoye na okubhareeta Yerusareemu.