Yowana 14:13 - Indagano Inyaaya mu-Chijita

¹³ Araabha mukasabhwa echiinu choonechoone kw‑isiina ryani, anye enija okubhakorera. Kurwa ejo, rikusyo rya Raata riribhonekana okutura kw‑anye Omwana waaye.

INDAGANO INYA:YA

¹³ Eco co:ne murasabwaga mwisi:na ryani, eco ndacikoraga, korereki Rata akusisibwega mu Mwana.

Yowana 14:13 Referans Kwoze

Yowana 15:7

Araabha mukabha na obhumwi na anye, na emisango jaani jikabha mu‑myoyo jeemwe, mbe woori musabhwe Raata choonechoone chinu omwenda, omwene kaja okubhayaana.

Mariko 11:24

Kurwa ejo enibhabhwira ati, emisango jinu omwirembeeresya nimusabhwa ku‑Nyamuwanga, mwikirisyega ati mwajiramira, murijibhona.

Matayo 21:22

Araabha muri na eriikirisya, choonechoone chinu omusabhwa ku‑Nyamuwanga, muriramira.”

Matayo 7:7

“Musabhwega Nyamuwanga, kaja okubhayaana chinu omumusabhwa. Muyenjega ku‑Nyamuwanga, kaja okubhayaana chinu omuyenja. Mwibhuurega ku‑Nyamuwanga, kaja okubheegurira orwigi.

1 Yoana 5:14

Ribhaasi ryeswe imbere ya Nyamuwanga niryo rinu, echimenya ati kaachitegeresya araabha chikamusabhwa echiinu choonechoone mu‑kwenda kwaye.

Yowana 16:23

Ka wone orusuku orwo rurikinga, mutarikena okumbuusya omusango gwonegwone. “Ni chimari enibhabhwira ati, joone jinu omuja okusabhwa okutura kw‑isiina ryani, Raata kaja okubhayaana.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.

Yowana 15:16

Mutari emwe bhanu ꞉mwansorere anye, tari naanye ꞉naabhasorere emwe. ꞉Naabhasorere, korereki mugende mutwasye amatwasyo ganyatawaa‑wo wuri. Mukakora kutyo, joone jinu omuja okusabhwa okutura kw‑isiina ryani, Raata kaja okubhayaana.

Yowana 14:14

Araabha mukasabhwa echiinu choonechoone kw‑isiina ryani, enija okuchikora.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Yowana 16:26

Ku‑mwanya ogwo, muribhaga nimusabhwa Nyamuwanga kw‑isiina ryani. Nitakwayika ati anye niribhaga nimbasabhirwa ku‑Raata.

Yowana 10:30

Anye na Raata chiri chiinu chimwi.”

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

Yowana 7:37

Orusuku rwa obhuteero rwa ichikukuru ya ebhiwuuna, rwariga ruri rusuku orukuru muno. Mbe, Yeesu ˆneemereeguru mu‑rubhuga rwa Riyekaru, ˆnaamura obhuraka ˆnaayika ati, “Omuunu akoongwa obhwiro bhwa amanji, aaje kw‑anye, anywe!

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 12:44

Mbe, Yeesu ˆnaamura obhuraka ˆnaayika ati, “Omuunu unu kaanyikirisya, atakwikirisya anye era, tari keekirisya na unu antumire.

Ruuka 11:9

“Kurwa ejo, anye wone enibhabhwira ati, musabhwega Nyamuwanga, kaja okubhayaana chinu omumusabhwa. Muyenjega ku‑Nyamuwanga, kaja okubhayaana chinu omuyenja. Mwibhuurega ku‑Nyamuwanga, kaja okubheegurira orwigi.

1 Petero 2:5

Mumenye ati, emwe wone muri rwa amabhuyi amawanga, Nyamuwanga kaabhoombaka mubhe inju ya echinyamwoyo. Ka wone abhawuuwe na okubhakora mubhe abhagabhisi bhanu abhasoosya ebhyogo bhya echinyamwoyo bhinu ebhimukondisya ku‑njira ya Yeesu Kirisito.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Baeburania 13:15

Mbe, chigenderere okukusya Nyamuwanga okutura ku‑Yeesu okusiga wuri, kwa okubha emisango jeeswe ja okukusya risiina ryaye jiri rwa echoogo chinu echimusoosisya.

Baeburania 4:15

Omugabhisi Omukuru oyo niwe kaamenya obhujorobhoke bhweswe, kwa okubha ꞉aaregeejerwe na Syetaani ku‑misango joone rwa eswe, nawe omwene ꞉ataakorere ebhibhiibhi.

Baefeso 3:14

Kurwa ejo, eniifukama imbere ya Raata Nyamuwanga na okubhasabhirwa.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 13:31

Mbe, Yuuda ejire aawuruka anja, Yeesu ˆnaabhwira abheeyigisibhwa bhaaye ati, “Woori rikusyo ryani, anye Omwana wa Omuunu, riri yeeyi okubhonekana abhwerubhweru. Noorwo rikusyo rya Nyamuwanga erija okubhonekana abhwerubhweru okutura kw‑anye.

1 Bakorinto 14:13

Kurwa ejo, omuunu unu kaayika inyaayika ingenyi, asabhwe Nyamuwanga korereki amuyaane obhuturo bhwa okugajura inyaayika eyo.