Yowana 14:10 - Indagano Inyaaya mu-Chijita

¹⁰ Angu, utakwikirisya ati anye niri na obhumwi na Raata, na Raata ari na obhumwi na anye? Emisango jinu enibhabhwira jitakusooka mu‑bhwiganirisya bhwani, nawe Raata, unu ari na obhumwi na anye, niwe kaakora emirimu jaaye okutura kw‑anye.

INDAGANO INYA:YA

¹⁰ ?Utakwikirisya ati, anye ndi mu Rata, na Rata ari mwanye? Emisango jinu enibabwira anye, nitakuja:ika kubwani era, nawe Rata unu e:kae mwanye niwe kakora emirimu jae.

Yowana 14:10 Referans Kwoze

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Yowana 12:49

Anye nitaayika emisango ejo ku‑bhuturo bhwani omwene, tari Raata unu antumire, niwe ꞉aandagiriiye emisango ja okwayika, na kutyo enija okujaayika.

Yowana 10:30

Anye na Raata chiri chiinu chimwi.”

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

Bakolosai 2:9

kwa okubha obhukuumiiye bhwone bhwa Nyamuwanga bhuri mu‑mwene, mu‑mubhiri gwa echinyamuunu.

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 5:17

Nawe Yeesu ˆnaabhabhwira ati, “Raata waani kaakora emirimu siku joone, ogwo nigwo ogukora anye wone nikore rwa omwene.”

1 Yoana 5:7

Ka wone, Mwoyo Mweru niwe kaasoosya obhubhambaasi ati ejo ni ja echimari, kwa okubha omwene niwe echimari.

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

Yowana 8:38

Anye enibhabhwira jinu nirorere okusooka ku‑Raata waani, nawe emwe omukora jinu ꞉mweeyigisiibhwe na esomwana.”

Bakolosai 1:19

Nikwo kutyo, kwa okubha ꞉jaakondeeye Nyamuwanga ati, obhukuumiiye bhwaye bhwone bhubhe mu‑Mwana waaye.

Yowana 14:20

Ku‑rusuku orwo murimenya ati, anye niri na obhumwi na Raata waani, na emwe muri na obhumwi na anye, na anye niri na obhumwi na emwe.

Yowana 7:16

Mbe, Yeesu ˆnaabhabhwira ati, “Ameeyigisyo ganu eniiyigisya, gatari gaani, tari gasookere ku‑Nyamuwanga unu ꞉aantumire.

Yowana 8:40

Nawe woori, omuyenja injira ya okunyita, noorwo kutyo naabhabhwira echimari chinu ꞉noonguuwe okusooka ku‑Nyamuwanga. Bhurayimu ꞉ataakorere kutyo emwe omwenda okukora woori.

Yowana 11:26

Ka wone omuunu woonewoone unu ari muwanga na kaanyikirisya anye, atarifwa wuri noorwo na akatyari. Angu, owikirisya emisango ejo?”

Yowana 3:2

Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”

Yowana 14:11

Mwikirisye jinu enaayika ati niri na obhumwi na Raata, na ati omwene ari na obhumwi na anye. Nawe araabha emwe mutakwikirisya jinu enaayika, mbe mwikirisye ku‑songa ya emirimu jinu enikora.

Yowana 14:24

Nawe omuunu woonewoone unu atakunyenda, atakugwata emisango jaani. Emisango jinu omuungwa jitari jaani, tari ni ja Raata unu antumire kw‑imwe.