Yowana 13:5 - Indagano Inyaaya mu-Chijita

⁵ Neeya, ˆnaasuka amanji mw‑itubha. Mbe, ˆnaamba okwosya abheeyigisibhwa bhaaye amaguru na okugafwafuuta na orupande orwo.

INDAGANO INYA:YA

⁵ Okumara natu:ra amanji kwisaani, namba okwosya ebigere bya be:igisibwa, nabibara:gasisya orupande runu ariga e:boyere.

Yowana 13:5 Referans Kwoze

Ruuka 7:44

Yeesu ˆneekebhuukira ˆnaaringira omugasi oyo, ˆnaabhwira Simooni ati, “Owurora omugasi unu? Omwanya gunu neengira mu‑nju yaawo munu, waankuma utanaana amanji ga okwosya amaguru gaani. Nawe omwene, oosya amaguru gaani na amasiga gaaye, na okugafwafuuta kwa jifwiri jaaye.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Ebikorwa 22:16

Woori owurindirira ki? Imereeguru! Ubhatiijibhwe, weesibhwe ebhibhiibhi bhyawo, usabhwe Nyamuwanga akufwire echigongo.’

1 Yoana 5:6

Mbe, Yeesu Kirisito ꞉aasweruuywe ati ni Mwana wa Nyamuwanga ku‑njira ya obhubhatiijo bhwaye mu‑manji na ku‑njira ya okwita isagama yaaye ku‑musarabha. Itari kwa okubhatiijwa mu‑manji era, tari kwa okubhatiijwa mu‑manji na okwa okwita isagama.

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

Yowana 19:34

Nawe omusirikare umwi ˆnaasoma Yeesu richumu mu‑rubhafu. Mbe, awoawo isagama na amanji nibhiwurura.

Ruuka 7:38

ˆNeemereeguru ayeeyi ku‑maguru ga Yeesu. ˆNaamba okurira, amasiga gaaye gaariga nigatonyikira ku‑maguru ga Yeesu. Aamufwafuutaga amasiga ago na jifwiri jaaye, ˆnaabhuusu amaguru ga Yeesu na okugabhambaga amafuta aga ebhirange.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Yowana 13:10

Yeesu ˆnaamusubhya ati, “Omuunu unu oogere, atakwendwa okwoga rindi, nawe keendwa okwiyosya amaguru era. Oyo eerere chimwi. Emwe muri bheeru, tari wumwi weemwe niwe atari mweru.”

Yowana 13:8

Peetero ˆnaamubhwira ati, “Awe utakutura wuri noorwo na akatyari okunyosya amaguru!” Yeesu ˆnaamusubhya ati, “Araabha utakwenda anye nikwosye amaguru, utakutura okubha na obhumwi na anye rindi.”

Yowana 13:6

Omwanya gunu Yeesu ꞉aakingire ku‑Simooni Peetero, Peetero ˆnaamubhuusya ati, “Raatabhugenyi, naawe oweenda okunyosya amaguru?”