Yowana 13:21 - Indagano Inyaaya mu-Chijita

²¹ Yeesu ejire aayika emisango ejo, ˆnaasurumbara muno mu‑mwoyo gwaye, ˆnaayika abhwerubhweru ati, “Ni chimari enibhabhwira ati, umwi mw‑imwe arintuura mu‑mabhoko ga abhasoko.”

INDAGANO INYA:YA

²¹ Yesu ejire amara okwaika kutyo, narumwarumwa mu mwoyo, na:ika ati, Ni cimari cimari enibabwira ati, oumwi kwimwe kajo:kundomera iniku.

Yowana 13:21 Referans Kwoze

Matayo 26:21

Omwanya gunu bhaariga nibharya, Yeesu ˆnaabhabhwira ati, “Ni chimari enibhabhwira ati, umwi mw‑imwe arintuura mu‑mabhoko ga abhasoko.”

Yowana 13:18

“Nitakwayika ejo inguru yeemwe bhoone. Nimenyere bhanu nisorere okubha abheeyigisibhwa bhaani. Nawe ni bhusibhusi jikuumire jinu jikaamirwe mu‑Bhikaame Ebhyeru ati, ‘Omuunu unu aari naarya aamwi na anye, niwe aayinduka okubha omusoko waani.’

Mariko 14:18

Omwanya gunu bhaariga nibharya, Yeesu ˆnaayika ati, “Ni chimari enibhabhwira ati, umwi mw‑imwe unu keenyirisya aamwi na anye, arintuura mu‑mabhoko ga abhasoko.”

Yowana 12:27

Neeya Yeesu ˆnaayika ati, “Woori omwoyo gwani guri na obhusurumbaaye bhwafu. Naayike ki? Angu, naayike ati, ‘Raata, enikusabhwa ummonʼye ku‑mwanya gunu gwa ebhinyaasyo?’ Wuri, nitakutura okusabhwa kutyo noorwo na akatyari, kwa okubha niijire ku‑chaaro anu, korereki nibhone ebhinyaasyo ebhyo.

Yowana 11:33

Yeesu ejire aarora Maryamu ˆnaariraga na abhaanu bhanu ꞉eejire nabho wone nibhariraga, ˆnaarumwa mu‑mwoyo gwaye, ˆnaasurumbara muno.

1 Yoana 2:19

Abhaanu abho, bhaariga bhachiri‑ko, nawe mbachisoka‑ko, kwa okubha bhaariga bhatari na obhumwi bhwa echimari na eswe. Okubha, araabha bhakabheeye na obhumwi obhwo na eswe, bhaakasigaaye kw‑iswe. Nawe ꞉bhaachisookere‑ko, korereki bhaswerurwe abhweru ati bhaariga bhatari na obhumwi bhwa echimari na eswe.

Ebikorwa 17:16

Omwanya gunu Pawuro aarindiriraga Siira na Timoteewo mu‑musi gwa Ateene awo, ˆnaarora ati, omusi ogwo gwone gwijuuye amasusano ga amasambwa. Ejire aarora kutyo, omwoyo gwaye nigusurumbara muno.

Yowana 13:2

Yeesu na abheeyigisibhwa bhaaye bhaariga nibharya ebhiryo bhya keegoro. Omwanya ogwo, Syetaani aariga aamarire okukongya Yuuda, omwana wa Simooni Isikariyooti, korereki aromere Yeesu iniku.

Yowana 11:38

Niwo Yeesu ˆnaarumwa rindi muno mu‑mwoyo gwaye, ˆnaakinga ku‑chituuro. Echituuro echo chaariga chiri senga inu ifundikiiywe‑ko ribhuyi rinene ku‑muryango.

Yowana 11:35

Yeesu ˆnaarira.

Mariko 3:5

Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

Matayo 26:38

ˆNaabhabhwira ati, “Omwoyo gwani gusurumbaaye muno okukingira okwenda okufwa. Mwinyanje anu okwamba, mutengeeje aamwi na anye.”

Yowana 13:22

Mbe, abheeyigisibhwa bhaaye nibhaamba kuringirana, kwa okubha bhatamenyere ati niga unu Yeesu kaayikira.