Yowana 13:14 - Indagano Inyaaya mu-Chijita

¹⁴ Araabha anye, unu niri Mwiyigisya na Raatabhugenyi weemwe, naabhoosya amaguru, emwe wone ni bhusibhusi mubhega nimwosyanya amaguru.

INDAGANO INYA:YA

¹⁴ Mbe araba nanye Esobugenyi no Mwiigisya wemwe nabo:sya ebigere byemwe, mbe kube:ire emwe one okwosyanyaga ebigere.

Yowana 13:14 Referans Kwoze

1 Petero 5:5

Nyabhuriko, emwe abhasigaji wone, mugayuke abhakaruka bha rikanisa. Emwe bhoone, abhasigaji na abhakaruka, bhuri muunu eekeeyega ku‑weejaabho na okusakirana. Mukore kutyo, kwa okubha jikaamirwe mu‑Bhikaame Ebhyeru ati, “Nyamuwanga kaayaajana na abha echigundu, tari bhanu abheekeeya, kaabhayaana obhwitiriranya.”

Ebikorwa 20:35

Mu‑joone jinu ꞉naakorere, naariga nimbeeresya ati echikenwa okukora emirimu, korereki chibhone ebhiinu bhya okusakira abhaanu bhanu bhatari na obhuturo. Echikenwa wone okwichuka emisango jinu Raatabhugenyi Yeesu omwene ꞉aayikire, ‘Amabhando maafu ari mu‑kusoosya okukira mu‑kuramira.’”

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

Barumi 12:16

Mwikare kwa obhwira bhumwi emwe abheene kwa abheene. Kutyo, musigega okwikuuya, tari mwikeeyega, mubhega na obhusangi na abhaanu abha obhukene. Musigega okwirora ati neemwe abha obhwenge era.

1 Petero 4:1

Mbe, Kirisito ꞉aabhwene ebhinyaasyo ku‑mubhiri gwaye, emwe wone mubhe mwimaririiye okubhona ebhinyaasyo rwa omwene. Enaayika kutyo, kwa okubha omuunu unu eekirisiisye okunyaaka echinyamubhiri, atakutura okugenderera okutungwa na ebhibhiibhi.

1 Bakorinto 8:13

Kurwa ejo, araabha ebhiryo bhinu enirya, ebhiyabhya omwikirisya oweejaasu, nitarirya rindi inyama noorwo na akatyari, korereki naasiga okureterera omwikirisya oweejaasu akore echibhiibhi.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Barumi 12:10

Mwendane abheene kwa abheene rwa abhayiri. Bhuri muunu eekomeesye okuyaana echibharo oweejaabho.

Yowana 11:2

Maryamu oyo, niwe ꞉aabhambagire Raatabhugenyi Yeesu amafuta ga ebhirange, na okumufwafuuta na jifwiri jaaye ku‑maguru. Rajaaro owaabho niwe aariga ari murwaye.

1 Bakorinto 12:3

Kutyo, enibhabhwira ati omuunu woonewoone unu kaatangasibhwa na Mwoyo wa Nyamuwanga atakutura okwayika ati, “Yeesu eeyiimwe.” Ka wone omuunu woonewoone atakutura okwayika ati, “Yeesu ni Raatabhugenyi,” araabha atakutangasibhwa na Mwoyo Mweru.

Bafilipi 2:11

Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.