Yowana 12:49 - Indagano Inyaaya mu-Chijita

⁴⁹ Anye nitaayika emisango ejo ku‑bhuturo bhwani omwene, tari Raata unu antumire, niwe ꞉aandagiriiye emisango ja okwayika, na kutyo enija okujaayika.

INDAGANO INYA:YA

⁴⁹ Okuba anye nita:ikaga kubwani, nawe Rata unu antumire, niwe andagiriye binu ena:ika na binu enigamba.

Yowana 12:49 Referans Kwoze

Yowana 14:10

Angu, utakwikirisya ati anye niri na obhumwi na Raata, na Raata ari na obhumwi na anye? Emisango jinu enibhabhwira jitakusooka mu‑bhwiganirisya bhwani, nawe Raata, unu ari na obhumwi na anye, niwe kaakora emirimu jaaye okutura kw‑anye.

Yowana 8:26

Niri na emisango myafu jinu naakaturire okwayika inguru yeemwe na okubharamura, nawe nitakuja kukora kutyo. Okubha unu ꞉aantumire ni wa echimari, anye enibhwira abhaanu bhoone emisango jinu enuungwa okusooka ku‑mwene.”

Yowana 5:30

Yeesu ˆnaagenderera okwayika ati, “Gutari‑wo omusango gwonegwone gunu enitura okukora ku‑bhuturo bhwani era. Enisoosya indamu ku‑bhaanu okuruubhana na kutyo Raata kaambwira. Indamu yaani niyo ya rirenga, kwa okubha nitakukora rwa kutyo anye omwene eneenda, tari enikora rwa kutyo Raata unu ꞉aantumire keenda.

Yowana 17:8

kwa okubha naabhabhwiriiye joone jinu ꞉waambwiriiye, abheene wone bhajiramiiye. Bhamenyere chimari ati nisookere kw‑awe, ka wone bheekirisiisye ati naawe unu ꞉waantumire.

Yowana 14:31

Jinu enikora nijo jinu Raata andagiriiye okukora, korereki abhaanu bhoone bhasombookerwe ati nimwendere. “Woori, mwimereeguru chisooke anu.”

Yowana 15:15

Nitachaabhatoga rindi ati, muri bhagaya, kwa okubha omugaya atakumenya gunu omwami waaye kaakora. Nawe emwe naabhaswerurira joone jinu noongwa okusooka ku‑Raata waani, kutyo niraabhatogega ati, muri bhasaani bhaani.

Yowana 8:42

Yeesu ˆnaabhasubhya ati, “Araabha Nyamuwanga akabheeye ari Somwana, mwakanyendere, kwa okubha nisookere ku‑mwene, ka woori niri anu. Anye ꞉niteejire ku‑bhuturo bhwani, tari Nyamuwanga niwe ꞉aantumire.

Yowana 3:32

Omwene kaasoosya obhubhambaasi inguru ya emisango jinu ꞉aarorere na okuungwa, nawe atari‑wo omuunu unu keekirisya obhubhambaasi bhwaye obhwo.

Yowana 3:11

Ni chimari enikubhwira ati, eswe echaayika jinu chimenyere, na echisoosya obhubhambaasi ku‑jinu chirorere. Nawe emwe mutakwikirisya obhubhambaasi bhweswe.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Yowana 5:19

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.

Yowana 6:68

Simooni Peetero ˆnaamusubhya ati, “Raatabhugenyi, chigende ku‑ga? Awe wenyere naawe uri na emisango jinu ejichiyaana obhuwanga bhwa akajaanende koone.

Yowana 7:16

Mbe, Yeesu ˆnaabhabhwira ati, “Ameeyigisyo ganu eniiyigisya, gatari gaani, tari gasookere ku‑Nyamuwanga unu ꞉aantumire.

Yowana 8:28

Mbe, Yeesu ˆnaabhabhwira ati, “Omwanya gunu murinsunga inguru ku‑musarabha, awo niwo murimenya ati anye naanye Omwana wa Omuunu. Ka wone murimenya ati joone jinu enikora, nitakujikora ku‑bhuturo bhwani omwene, tari naayika jinu Raata ꞉aanyiyigisiisye.

Yowana 14:24

Nawe omuunu woonewoone unu atakunyenda, atakugwata emisango jaani. Emisango jinu omuungwa jitari jaani, tari ni ja Raata unu antumire kw‑imwe.