Yowana 12:45 - Indagano Inyaaya mu-Chijita

⁴⁵ Omuunu unu aandora anye, aarora na unu antumire.

INDAGANO INYA:YA

⁴⁵ Unu kandora anye, kamurora wuriya antumire.

Yowana 12:45 Referans Kwoze

Bakolosai 1:15

Omwana keeresya abhwerubhweru kutyo Nyamuwanga ari, noorwo kutyo Nyamuwanga omwene atakubhonekana. Omwene ari na obhuturo inguru ya ebhibhumbwa bhyone.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Yowana 12:41

Iisaya ꞉aayikire emisango ejo inguru ya Yeesu, kwa okubha ꞉aarorere rikusyo ryaye.

Yowana 15:24

Nikorere ebhiruguusyo ebhinene bhinu omuunu owundi achaariga okukora. Araabha bhakabheeye bhatabhirorere, bhatakabheeye na echibhiibhi. Nawe woori, bharorere joone jinu ꞉naakorere, noorwo kutyo bhachaansokere na Raata waani wone bhamusokere.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”