Biblia Todo Logo
Bib sou entènèt

- Piblisite -




Yowana 12:42 - Indagano Inyaaya mu-Chijita

42 Nawe noorwo, mu‑bhatangasya bha Abhayawudi bhaariga bhari‑mo bhaafu bhanu ꞉bheekirisiisye Yeesu. Nawe ꞉bhataayikire abhwerubhweru ati bhamwikirisya, kwa okubha bhoobhayaga okukindikwa na Abhafarisaayo okusooka mu‑nju ja ameekofyanyo.

Gade chapit la Kopi

INDAGANO INYA:YA

42 Nawe mu bakuru, ba:fu bamwikirisisye nawe batamutogoye kurwa Bafarisayo, bataja kukisibwa mu rikofyanyisyo.

Gade chapit la Kopi




Yowana 12:42
25 Referans Kwoze  

Abheebhusi bhaaye ꞉bhaayikire kutyo, kwa okubha bhaariga nibhoobhaya. Okubha, abhatangasya bha Abhayawudi abho bhaariga bheekirisyanyiisye ati, omuunu woonewoone unu keekirisya ati Yeesu niwe Kirisito, kaja okukindikwa mu‑nju ja ameekofyanyo geebhwe.


Nawe ꞉ataabheeye‑wo omuunu unu ꞉aayikire abhwerubhweru inguru ya Yeesu, kwa okubha ꞉bhoobhayire abhatangasya bha Abhayawudi.


“Omuunu woonewoone unu kaanyikirisya imbere ya abhaanu, anye wone nirimwikirisya imbere ya Raata waani unu ari mu‑rwire.


Omuunu woonewoone unu keekirisya na okutogora ati Yeesu ni Mwana wa Nyamuwanga, Nyamuwanga ari na obhumwi nage, omwene wone ari na obhumwi na Nyamuwanga.


Injira ya okumenya ati omuunu kaatangasibhwa na Mwoyo wa Nyamuwanga niyo inu, omuunu woonewoone unu keekirisya na okutogora ati Yeesu Kirisito ꞉eejire ˆnaabha na omubhiri rwa omuunu, oyo niwe kaatangasibhwa na Mwoyo wa Nyamuwanga.


Omuunu akeekirisya Yeesu Kirisito kwa omwoyo gwaye, kaabharwa okubha omurengeresi imbere ya Nyamuwanga. Aakatogora eriikirisya ryaye kwa omunwa gwaye, kaachungurwa.


Niwo jitumwa nibhasooka mw‑ibharaja rikuru rirya bhakondeeywe, kwa okubha ꞉bhaabharire ati bhaariga bheeyire okugaywa inguru ya risiina rya Yeesu.


Ejo jejire jaawa, ˆnaaja omuunu umwi unu aariga ˆnaatogwa Jejefu. Omwene oyo, aariga asookere mu‑ruguuyo rwa Arimataaya. Aariga ari mwiyigisibhwa wa Yeesu, nawe bhumbise, kwa okubha aariga ˆnoobhaya abhatangasya bha Abhayawudi. Mbe, omuunu oyo ˆnaagenda ku‑Piraato, ˆnaamusabhwa ati agege omutumbi gwa Yeesu, agende okugusiika. Piraato ˆnaamwikirisisya. Mbe, Jejefu ˆnaagenda, ˆnaagega omutumbi gwa Yeesu.


Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.


okubha okuruubhana na okusuururwa kwa Rajaaro, Abhayawudi bhaafu ꞉bhaasigeene na abhatangasya bheebhwe, nibheekirisya Yeesu.


Mbe, Abhayawudi bhaafu bhanu ꞉bheejire okukeesya Maryamu, bhejire bhaarora jinu Yeesu ꞉aakorere, nibhamwikirisya.


Abheene nibhamusubhya ati, “Awe ꞉weebhuuywe uri owa ebhibhiibhi kata. Woori, uri na obhuturo ki bhwa okuchiiyigisya?” Mbe, nibhamubhirimya asooke mu‑nju ya eriikofyanyo.


Rusuku rumwi mu‑ngeta, Nikodeemu ˆnaagenda ku‑Yeesu, ˆnaamubhwira ati, “Omwiyigisya, chimenyere ati awe ni mwiyigisya unu utumirwe na Nyamuwanga, kwa okubha atari‑wo omuunu unu kaatura okukora ebhibharikisyo bhinu owukora, araabha Nyamuwanga atari aamwi nage.”


“Enibhabhwira ati, omuunu woonewoone unu kaanyikirisya imbere ya abhaanu, anye wone Omwana wa Omuunu nirimwikirisya imbere ya bhamaraayika bha Nyamuwanga ati, omuunu oyo ni waani.


Muri na ribhando emwe, araabha abhaanu abhabhasoka na okubhakindika, abhaja okubhafuma na okubhabhwira ati, emwe muri bhajabhi, inguru yaani anye Omwana wa Omuunu.


Omwanya omurebhe, Piraato ˆnaakumanya abhakuru bha abhagabhisi na abhatangasya bha Abhayawudi aamwi na abhaanu bha mu‑musi.


Nawe abhaanu bhaafu mu‑bhanu bhaariga bhari arya, nibheekirisya Yeesu. Abhaanu abho nibhaayika ati, “Araabha omuunu kaakora ebhibharikisyo bhyafu kutyo, itari ati omwene niwe Kirisito?”


Swiv nou:

Piblisite


Piblisite