Yowana 12:39 - Indagano Inyaaya mu-Chijita

³⁹ ꞉Bhataamwikirisiisye kwa okubha Nyamuwanga ꞉aayikire okutura ku‑muragi Iisaya ati,

INDAGANO INYA:YA

³⁹ Nikwo bakorere nibatamibwa okwikirisya, okuba Isaya a:ikire rindi ati, Abaofufi:fye ame:so, nabakome:sya emitima jebwe, Nibarema okurora na me:so gebwe, No kusombo:kerwa ne mitima jebwe, bacu:ke korereki nibaonye.

Yowana 12:39 Referans Kwoze

2 Petero 2:14

Ameeso geebhwe geejuuywe obhuromesi na okurigira kwebhwe kwa okukora ebhibhiibhi kutari na obhuteero. Abhakongya abhaanu bhanu bhatarumateene mu‑riikirisya bhakore rwa abheene. Bhanasiisye emyoyo jeebhwe okurigira obhuniibhi. Abhaanu abho bheeyiimirwe!

Yowana 10:38

Nawe araabha enikora emirimu jinu Raata kaakora, noorwo araabha mutakunyikirisya anye, mbe mwikirisye emirimu ejo. Niwo omuja okusombookerwa chimari ati, Raata ari na obhumwi na anye, anye wone niri na obhumwi na Raata.”

Yowana 5:44

Emwe mwendere okukuuyibhwa na abheejaanyu, nawe mutakwikomeesya okuyenja echibharo chinu echisooka ku‑Nyamuwanga omwene. Woori, omutura kutiki okunyikirisya?

Yowana 6:44

Atari‑wo omuunu unu kaatura okuuja kw‑anye, araabha atatangasiibhwe na Raata unu ꞉aantumire. Anye nirisuurura omuunu oyo ku‑rusuku rwa obhuteero.

Yowana 12:38

Ejo ꞉jaabheeye kutyo, korereki gukuumire omusango gunu omuragi Iisaya ꞉aayikire ati, “Raatabhugenyi, niga unu eekirisya emisango jeeswe? Ka wone, niga unu ꞉eeresiibhwe amanaga ga Raatabhugenyi?”

Yowana 12:40

“Naawofufya ameeso geebhwe, na okukora emyoyo jeebhwe okubha emikomeeye, korereki bhaasiga okurora kwa ameeso geebhwe, na bhaasiga okusombookerwa kwa emyoyo, bhaasiga okunyindukira nimbachungura.”