Yowana 12:36 - Indagano Inyaaya mu-Chijita

³⁶ Omwanya gunu muri na obhweru, mwikirisye obhweru obhwo, korereki mubhe abhaana bha obhweru.” Yeesu ejire aamara okwayika emisango ejo, ˆnaasiga echise echo, ˆnaagenda okwiyibhisa.

INDAGANO INYA:YA

³⁶ Wora mucari no bweru, mwikirisye obweru, mube ba:na bo bweru. Mbe Yesu ejire amara okwaika ebyo, nagenda nabe:ibisa.

Yowana 12:36 Referans Kwoze

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

1 Batesalonika 5:5

Emwe bhoone muri bhaana bha obhweru, ka wone muri bhaana bha mu‑mwisi. Emwe na eswe, chitari bhaana bha mu‑ngeta noorwo bha mu‑chisuute.

Yowana 8:59

Abhayawudi bhejire bhoongwa ejo, nibhabhooja amabhuyi korereki bhamubhume nago na okumwita. Nawe Yeesu ˆneeyibhisa, ˆnaasooka mu‑rubhuga rwa Riyekaru.

Ruuka 16:8

“Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.

Yowana 11:54

Kurwa ejo, Yeesu ˆnaasiga okuribhata abhwerubhweru mu‑mukoowa gwa Yuudeya. ˆNaasooka awo, ˆnaagenda orubhaara runu rwariga ruri yeeyi na ribhara, mu‑musi gunu ogutogwa ati Ifurayimu, ˆneekara eyo aamwi na abheeyigisibhwa bhaaye.

Yowana 1:7

Yowana ꞉eejire okusoosya obhubhambaasi inguru ya obhweru obhwo, korereki abhaanu bhoone bhature okubhwikirisya okutura ku‑bhubhambaasi bhwaye.

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

Yowana 3:21

Nawe abhaanu bhoone bhanu abhakora ebhikorwa bhya obhurengeresi, abhaaja mu‑bhweru obhwo, korereki imenyekane ati, Nyamuwanga niwe kaabhayaana obhuturo bhwa okubhikora.

Matayo 21:17

Yeesu ˆnaabhasiga awo, ˆnaasooka Yerusareemu, ˆnaagenda okuwongera mu‑ruguuyo rwa Bheetaniya.

Matayo 5:14

“Emwe muri rwa obhweru ku‑chaaro. Omusi gunu guumbakirwe ku‑chiima, gutakutura okwiyibhisa.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Yowana 12:37

Noorwo kutyo Yeesu ꞉aakorere ebhibharikisyo bhyafu imbere yeebhwe, nawe abhaanu bhaafu ꞉bhataamwikirisiisye.

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.