Yowana 12:17 - Indagano Inyaaya mu-Chijita

¹⁷ Abhaanu bhanu bhaariga bhari na Yeesu omwanya gunu ꞉aabhirikiiye Rajaaro okusooka mu‑fwa na okumusuurura okusooka mu‑bhafuuwe, nibho bhaariga bhaaraasiisye inguru ya emisango jinu Yeesu ꞉aakorere.

INDAGANO INYA:YA

¹⁷ Mbe ecise cinu cariga cinage, rurya abirikira Lajaro kuso:ka mu:fwa, namusu:rura mu bafu:ye, nibamwimako.

Yowana 12:17 Referans Kwoze

Obhusweruro 1:2

Anye Yowana enisoosya obhubhambaasi bhwa emisango joone jinu ꞉naarorere. Emisango ejo ni inguru ya echimari chinu Yeesu Kirisito ꞉aasweruuye na nigwo omusango gwa Nyamuwanga.

Ebikorwa 5:32

Eswe chiri bhabhambaasi bha ejo joone, aamwi na Mwoyo Mweru, unu Nyamuwanga ayaaye bhanu abhamugayuka.”

Ebikorwa 1:22

okusookerera omwanya gunu Yeesu ꞉aabhatiijiibhwe na Yowana okukingira orusuku runu ꞉aagegerwe okugenda mu‑rwire. Unu kaja okwawurwa, jiiyire asangire aamwi na eswe okubha omubhambaasi wa obhusuuruko bhwa Yeesu bhunu ꞉chaarorere.”

Yowana 19:35

Emisango jinu ꞉jaakaamirwe na omuunu unu ꞉aarorere jinu jaariga nijikorekana. Obhubhambaasi bhwaye ni bhwa echimari, ka wone amenyere ati kaayika ja echimari, korereki emwe wone mwikirisye.

Yowana 12:9

Mbe, Abhayawudi bhaafu nibhoongwa ati Yeesu aariga ari awo, nibhagenda okumurora, atari omwene era, tari noorwo okurora Rajaaro unu Yeesu ꞉aasuuruuye okusooka mu‑bhafuuwe.

Yowana 21:24

Omwiyigisibhwa oyo niwe urya ꞉aasoosiisye obhubhambaasi inguru ya emisango jinu na okujikaama. Eswe chimenyere ati jinu ꞉aayikire ni ja chimari.

Yowana 11:42

Nimenyere ati owunyungwaga omwanya gwone, nawe enaayika jinu inguru ya echise cha abhaanu bhanu, korereki bheekirisye ati awe naawe untumire.”

Yowana 11:31

Abhayawudi bhanu bhaariga bhagendere okukeesya na okusiiriisya Maryamu, bhejire bhaamurora ˆneemuka bhwangu, ˆnaawuruka anja, abheene wone nibhamuruubha. ꞉Bhaakorere kutyo, kwa okubha bheetogeraga ati Maryamu kaagenda ku‑chituuro korereki arire eyo.

Yowana 1:34

Niwo Yowana ˆnaayika ati, “Anye naarora emisango ejo, na enisoosya obhubhambaasi ati, oyo niwe Omwana wa Nyamuwanga.”

Yowana 1:32

Niwo Yowana ˆnaasoosya obhubhambaasi ˆnaayikaga ati, “Naarora Mwoyo Mweru ˆneekaga okusooka mu‑rwire rwa echiguuti, ˆnaagwa inguru yaaye.

Yowana 1:19

Rusuku rumwi, abhatangasya bha Abhayawudi ꞉bhaatumire abhagabhisi na Abharaawi okusooka Yerusareemu, okuja ku‑Yowana. Bhejire bhaakinga nibhamubhuusya ati, “Naawe ga?” Yowana ˆnaasoosya obhubhambaasi,