Yowana 12:16 - Indagano Inyaaya mu-Chijita

¹⁶ Omwanya ogwo, abheeyigisibhwa bha Yeesu ꞉bhataasombookeeywe emisango ejo. Nawe Yeesu ejire eengʼengibhwa inguru mw‑ikusyo, niwo nibheechuka ati ejo jaariga jikaamirwe na nikwo kutyo ꞉bhaamukoreeye.

INDAGANO INYA:YA

¹⁶ Ebyo abe:igisibwa bae batasombo:keywe okwamba, nawe e:jire amara okukusibwa niwo nibe:cuka ati, ebyo byariga bimwandikiywe, na ka ati, bamukorere kutyo.

Yowana 12:16 Referans Kwoze

Yowana 2:22

Mbe, Yeesu bhunu ꞉aasuurukire okusooka mu‑bhafuuwe, abheeyigisibhwa bhaaye nibheechuka emisango jinu ꞉aayikire. Kurwa ejo, nibheekirisya Ebhikaame Ebhyeru, na emisango jinu Yeesu ꞉aayikire.

Yowana 14:26

Nawe Omusakisi oyo, Mwoyo Mweru, unu Raata arituma kw‑imwe kw‑isiina ryani, aribheeyigisya na okubheechukya joone jinu naabhabhwira.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Ebikorwa 2:36

Peetero ˆnaamariisya kwa okwayika ati, “Kurwa ejo, Abhayisirayeeri bhoone ni bhusibhusi bhamenye echimari ati, Nyamuwanga akorere Yeesu okubha Raatabhugenyi na Kirisito. Oyo, niwe emwe ꞉mwabhambire ku‑musarabha!”

Yowana 12:23

Yeesu ˆnaabhasubhya ati, “Omwanya gwakinga gwa Omwana wa Omuunu okukusibhwa.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.

Ebikorwa 3:13

Woori Nyamuwanga wa Bhurayimu, Isaaka na Yakobho, niwe Nyamuwanga wa bhasaaja weeswe, aakusya omukosi waaye Yeesu. Yeesu oyo niwe unu emwe ꞉mwateeye mu‑mabhoko ga abhatungi na okumwigaana imbere ya Piraato! Noorwo kutyo Piraato ꞉eendere okumutaatira, emwe ꞉mwaremere.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

Yowana 16:4

Naabhabhwira emisango ejo, korereki omwanya ogwo aribha gwakinga, mwichuke jinu ꞉naabhabhwiriiye. “꞉Nitabhabhwiriiye ejo joone ku‑bhwambiro, kwa okubha naariga niri aamwi na emwe.

Ruuka 24:45

Niwo, ˆneegura obhwenge bhwebhwe korereki bhasombookerwe jinu jaariga jikaamirwe mu‑Bhikaame Ebhyeru.

Ruuka 24:25

Yeesu ˆnaabhabhwira ati, “Abhataamutaamu emwe! Kurwa ki emyoyo jeemwe ni mikomeeye okwikirisya emisango jinu ꞉jaayikirwe na abharagi?

Ruuka 18:34

Emisango jinu Yeesu ꞉aabhabhwiriiye, ꞉bhataajisombookeeywe wuri noorwo na akatyari, kwa okubha obhugajuro bhwajo bhwariga bhwiserekere. ꞉Bhataasombookeeywe ati obhugajuro bhwajo ki.

Ruuka 9:45

Nawe, emisango jinu Yeesu ꞉aabhabhwiriiye ꞉bhataajisombookeeywe, kwa okubha jaariga jiiserekere ku‑bheene, bhataakaturire okusombookerwa obhugajuro bhwajo. Nibhoobhaya okumubhuusya inguru ya emisango jaaye ejo.

Yowana 17:5

Raata, enikusabhwa undeete rindi mw‑ikusyo ryawo, rikusyo rinu naariga niri naryo, omwanya gunu naariga niri aamwi na awe, bhunu waariga uchaari kubhumba echaaro.

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Mariko 9:32

Abheeyigisibhwa bhaaye ꞉bhataasombookeeywe gunu aariga ˆnaayika, nawe nibhoobhaya okumubhuusya.