Yowana 12:1 - Indagano Inyaaya mu-Chijita

¹ Bhunu ꞉jaasigaaye siku etaanu na rumwi okukinga ichikukuru ya Okwambuka, Yeesu ˆnaakinga rindi Bheetaniya, mu‑ruguuyo runu ꞉aasuuruuye Rajaaro okusooka mu‑bhafuuwe.

INDAGANO INYA:YA

¹ Mbe anu jariga jicasigaeo siku ita:nu na rumwi okukinga ku Pasaka, Yesu naja Betania, enu ariga:ri Lajaro, unu Yesu asu:ruye mu bafu:ye.

Yowana 12:1 Referans Kwoze

Ruuka 24:50

Yeesu ejire aamara, ˆnaabhatangasya okuja mu‑ruguuyo rwa Bheetaniya. Bhejire bhaakinga, ˆneemusya amabhoko gaaye, ˆnaabhayaana amabhando.

Yowana 12:20

Bhaariga bhari‑wo abhaanu bhanu bhaariga bhatari Bhayawudi mu‑bhaanu bhanu ꞉bhaagendere Yerusareemu okuramya Nyamuwanga mu‑chikukuru ya Okwambuka.

Yowana 11:55

Ichikukuru ya Okwambuka ya Abhayawudi yaariga iri yeeyi. Mbe, abhaanu bhaafu nibhasooka mu‑misi jeebhwe, nibhagenda Yerusareemu, korereki bheeyesye, ichikukuru ichaari okukinga.

Yowana 11:1

Aariga ari‑wo omuunu umwi unu aariga ari murwaye. Omuunu oyo aariga ˆnaatogwa ati Rajaaro. Omwene na abhayara bhaabho bhabhiri, Maryamu na Maarita bhaariga bheekaaye mu‑ruguuyo rwa Bheetaniya.

Matayo 21:17

Yeesu ˆnaabhasiga awo, ˆnaasooka Yerusareemu, ˆnaagenda okuwongera mu‑ruguuyo rwa Bheetaniya.

Yowana 11:44

Mbe, Rajaaro unu aariga afuuwe, ˆnaaja anja. Amaguru na mabhoko gaaye bhyariga bhisingiiywe risanda. Ka wone aariga ari na echitambaara chinu bhaariga bhamubhoyere ku‑bhusu. Mbe, Yeesu ˆnaabhwira abhaanu bharya ati, “Mumusuruumure, mumusige agende.”

Mariko 11:11

Omwanya gunu Yeesu ꞉eengiiye Yerusareemu, ꞉aagendere aroobhere era, ˆneengira mw‑Iyekaru rya Nyamuwanga. ˆNaaringira kisikisi ebhiinu bhyone bhinu bhyariga bhiri‑mo. Nawe kwa okubha yaariga iri keegoro, ˆneemuka, ˆnaagenda Bheetaniya aamwi na abheeyigisibhwa bhaaye ekumi na bhabhiri.

Ruuka 7:37

Mu‑musi ogwo, aariga ari‑mo omugasi umwi, unu aariga amenyekeene ati, ni owa ebhibhiibhi. Mbe, omugasi oyo, ejire oongwa ati Yeesu ari mu‑nju ya Omufarisaayo kaarya, omugasi oyo ˆnaaja ˆneengira omwo ari na ichupa ya arabhasita. Mu‑chupa eyo, gaariga gari‑mo amafuta ga ebhirange.

Yowana 11:43

Yeesu ejire aamara okusabhwa, ˆnaamura obhuraka ˆnaabhirikira ati, “Rajaaro, sooka omwo, iija anja enu!”

Yowana 12:9

Mbe, Abhayawudi bhaafu nibhoongwa ati Yeesu aariga ari awo, nibhagenda okumurora, atari omwene era, tari noorwo okurora Rajaaro unu Yeesu ꞉aasuuruuye okusooka mu‑bhafuuwe.

Yowana 12:12

Mwejo yende‑ko, echise echinene cha abhaanu bhanu ꞉bheejire ku‑chikukuru ya Okwambuka, nibhoongwa ati Yeesu ari ku‑njira kaaja Yerusareemu.