Yowana 11:54 - Indagano Inyaaya mu-Chijita

⁵⁴ Kurwa ejo, Yeesu ˆnaasiga okuribhata abhwerubhweru mu‑mukoowa gwa Yuudeya. ˆNaasooka awo, ˆnaagenda orubhaara runu rwariga ruri yeeyi na ribhara, mu‑musi gunu ogutogwa ati Ifurayimu, ˆneekara eyo aamwi na abheeyigisibhwa bhaaye.

INDAGANO INYA:YA

⁵⁴ Mbe Yesu naremo:kusuba okuribatira abweru mu Bayaudi, nawe naso:kayo nagenda ku ca:ro ciri yei na ribara, mu musi ngutogwa Efuraimu, nabe:yo na be:igisibwa bae.

Yowana 11:54 Referans Kwoze

Yowana 7:1

Ejo jejire jaawa, Yeesu ˆnaamba okwiyinda mu‑mukoowa gwa Gariraaya. ꞉Ateendere okwiyinda mu‑mukoowa gwa Yuudeya, kwa okubha abhatangasya bha Abhayawudi bhaayenjaga okumwita.

Yowana 7:4

Araabha omuunu keenda okumenyekana ku‑bhaanu, atakukora emirimu jaaye bhumbise. Mbe, araabha chimari owutura okukora emisango ejo, genda wiiyeresye ku‑bhaanu bhoone, korereki bhakumenye.”

Yowana 18:20

Yeesu ˆnaamusubhya ati, “Naariga ninaayika na abhaanu bhoone abhwerubhweru. Omwanya gwone naariga niniiyigisya abhaanu mu‑nju ja ameekofyanyo geemwe na mu‑rubhuga rwa Riyekaru munu Abhayawudi bhaafu abheekumanya aamwi. ꞉Nitaayikire wuri musango gwonegwone mu‑bhumbise.

Yowana 10:40

Mbe, Yeesu ˆnaagenda rindi ku‑ngego ya omusima gwa Yorodaani, ˆnaakinga anu ku‑bhwambiro Yowana aariga ˆnaabhatiijisya abhaanu. ˆNeekara eyo siku nooto.

Yowana 7:13

Nawe ꞉ataabheeye‑wo omuunu unu ꞉aayikire abhwerubhweru inguru ya Yeesu, kwa okubha ꞉bhoobhayire abhatangasya bha Abhayawudi.

Yowana 7:10

Abhatooto bhaaye bhejire bheemuka okugenda Yerusareemu mu‑chikukuru eyo, Yeesu wone ˆnaagenda eyo, nawe bhumbise, okwiswerura abhwerubhweru wuri.