Yowana 11:47 - Indagano Inyaaya mu-Chijita

⁴⁷ Mbe, abhakuru bha abhagabhisi na Abhafarisaayo nibhabhirikirana okwinyanja echinyanjo cha ribharaja rikuru rya Abhayawudi, nibhabhuusyanya ati, “Chikore kutiki? Okubha omuunu unu kaakora ebhibharikisyo bhyafu.

INDAGANO INYA:YA

⁴⁷ Mbe abagabisi abakuru na Bafarisayo nibakora ecirwaji, niba:ika ati, ?Ecikora kutiki? Okuba omu:nu uyo kakora ebibarikisyo byafu.

Yowana 11:47 Referans Kwoze

Matayo 26:3

Mbe, omwanya ogwo abhakuru bha abhagabhisi na abhakuru bha Abhayawudi, nibheekumanya mu‑nju ya omugabhisi omukuru unu risiina ryaye aatogwaga ati Kayaafa.

Yowana 12:19

Nawe Abhafarisaayo nibhaayikana abheene kwa abheene ati, “Omurora? Chitakutura okukora choonechoone! Ringira, abhaanu bhoone abhamuruubha.”

Yowana 11:57

Abhakuru bha abhagabhisi na Abhafarisaayo bhaariga bharagiriiye ati, omuunu woonewoone unu amenyere anu Yeesu ari, abhabhwire korereki bhamugwate.

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Ebikorwa 5:24

Omukuru wa abhariisi bha Riyekaru na abhakuru bha abhagabhisi bhejire bhoongwa ejo, nibhataamibhwa okumenya, nibhabhuusyanya ati, “Omusango ogwo guribha kutiki?”

Ebikorwa 5:21

Kutyo, jitumwa ejo nibhamugayuka, nibhamweja muno okuja mu‑rubhuga rwa Riyekaru, nibhaamba okwiyigisya abhaanu omwo. Omwanya ogwoogwo, omugabhisi omukuru aamwi na abheejaabho bharya, nibhabhirikira abhakuru bhoone bha Abhayawudi, bhabhuganire mw‑ibharaja rikuru ryebhwe. Nibhatuma abhariisi mw‑ibhoyero omwo, korereki bhareete jitumwa jirya.

Ruuka 22:2

Abhakuru bha abhagabhisi na abheeyigisya bha ebhiraagiro bhya Muusa, bhaariga nibhayenja injira ya okwita Yeesu. Nawe, ꞉bhoobhayire abhaanu bhaasiga okukora injogere.

Mariko 14:1

Jaariga jisigaaye‑wo siku ebhiri, okubha ichikukuru ya Okwambuka na ichikukuru ya emikaate jinu jitakutuurwa‑mo echifwimbya. Abhakuru bha abhagabhisi na abheeyigisya bha ebhiraagiro bhya Muusa bhaariga nibhayenja injira ya okugwata Yeesu bhurigerige, korereki bhamuramure na okumwita.

Yowana 6:2

Echise echinene cha abhaanu chaariga nichiruubha Yeesu, kwa okubha chaariga chaarorere ebhibharikisyo bhya okuwosya abharwaye bhinu aariga ˆnaakora.

Yowana 7:32

Mbe, Abhafarisaayo nibhoongwa kutyo abhaanu bhaariga nibhabhobhootana inguru ya Yeesu. Kurwa ejo, Abhafarisaayo abho, aamwi na abhakuru bha abhagabhisi, nibhatuma abhasirikare, korereki bhamugwate.

Yowana 7:45

Mbe, abhasirikare abho nibhasubha ku‑bhakuru bha abhagabhisi na ku‑Bhafarisaayo. Abhatangasya abho nibhabhabhuusya ati, “Kurwa ki mutaagwata Yeesu na okumureeta anu?”