Yowana 11:25 - Indagano Inyaaya mu-Chijita

²⁵ Yeesu ˆnaamusubhya ati, “Anye naanye obhusuuruko, ka wone naanye obhuwanga. Omuunu unu kaanyikirisya anye, noorwo araabha aakafwa, aribha omuwanga.

INDAGANO INYA:YA

²⁵ Yesu namubwira ati, Anye nanye obusu:ko no buanga. Unu ke:kirisya anye, nakabee afu:ye ariba muanga,

Yowana 11:25 Referans Kwoze

1 Batesalonika 4:14

Eswe, echiikirisya ati Yeesu ꞉aamaamire nyombe na okusuuruka. Kutyokutyo, echiikirisya ati, Nyamuwanga arisuurura abhaanu bhoone bhanu ꞉bhaamaamire nyombe bheekirisiisye Yeesu na aribhareeta aamwi nage.

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Yowana 1:4

Musango oyo niwe obhusimukwa bhwa obhuwanga bhwone, na obhuwanga obhwo obhureeta obhweru ku‑bhaanu.

Yowana 5:21

Rwa kutyo Raata kaasuurura abhafuuwe na okubhayaana obhuwanga, nikwo kutyo Omwana wone kaayaana obhuwanga bhwa akajaanende koone abhaanu bhanu omwene keenda ayaane.

Yowana 6:44

Atari‑wo omuunu unu kaatura okuuja kw‑anye, araabha atatangasiibhwe na Raata unu ꞉aantumire. Anye nirisuurura omuunu oyo ku‑rusuku rwa obhuteero.

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

Yowana 6:35

Yeesu ˆnaabhasubhya ati, “Anye naanye ebhiryo bhinu ebhiyaana abhaanu obhuwanga bhwa akajaanende koone. Omuunu woonewoone unu kaaja kw‑anye na okunyikirisya, atarirumwa omweko rindi, noorwo okuungwa rindi obhwiro bhwa amanji.

Obhusweruro 21:4

Aryeya amasiga geebhwe goone. Abhaanu bhatarifwa rindi noorwo okusurumbara. Bhataririra noorwo bhatarirwara, okubha emisango ja kara ejo jaaturire.”

Bafilipi 3:10

Enikena nisombookerwe Kirisito muno na okubha na amanaga ganu Kirisito aariga ari nago omwanya gwa okusuuruka kwaye. Enikena obhumwi bhunu obhusooka mu‑kunyaaka rwa kutyo omwene ꞉aanyaakire, korereki nisusane nage mu‑kufwa kwaye.

Obhusweruro 20:5

Abhafuuwe abhandi bhatarisuuruka okukingira emiguuga chiwumbi chimwi jikuumire.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Yowana 14:19

Guchaari mwanya mufuyi era abhaanu bha ku‑chaaro kunu bhatarindora. Nawe emwe murindora kwa okubha anye enirama, emwe wone murirama.

Bafilipi 1:23

Eniiyiganywa na mbaara joone ebhiri. Eniigomba okusiga obhurame bhunu nigende okwikara aamwi na Kirisito, okubha nikwo kunkondeeye muno.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

2 Bakorinto 4:14

Chimenyere ati Nyamuwanga unu ꞉aasuuruuye Raatabhugenyi Yeesu, arichisuurura eswe wone rwa kutyo ꞉aasuuruuye Yeesu. Nyamuwanga arichireeta eswe na emwe imbere yaaye omwene.

Barumi 4:17

Ni rwa kutyo Nyamuwanga ꞉aabhwiriiye Bhurayimu mu‑Bhikaame Ebhyeru ati, “Nikuteeye‑wo ubhe raata wa amaanga amaafu.” Bhurayimu ꞉oonguuwe emisango ejo ari imbere ya Nyamuwanga, ˆneekirisya Nyamuwanga unu kaayaana abhafuuwe obhuwanga, na unu kaaragirira ebhiinu bhinu bhichaariga okubha‑wo bhibhe‑wo.

Ruuka 23:43

Yeesu ˆnaamusubhya ati, “Ni chimari enikubhwira, reero inu owuja okubha aamwi na anye mu‑rwire.”

1 Bakorinto 15:29

Woori, abhaanu bhanu abhabhatiijibhwa inguru ya abhafuuwe, abheeyikanya okubhona echiinu ki? Araabha abhafuuwe bhatakusuururwa noorwo na akatyari, kurwa ki abhaanu abhabhatiijibhwa inguru ya abhafuuwe?

1 Bakorinto 15:18

Okukira ejo, bhoone bhanu ꞉bhaafuuwe bheekirisiisye Kirisito, bhasimagiiye chimwi.

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.