Yowana 10:18 - Indagano Inyaaya mu-Chijita

¹⁸ Atari‑wo omuunu unu kaatura okunsoosisya‑wo obhuwanga bhwani. Anye omwene naanye enibhusoosya‑wo. Niri na obhuturo bhwa okubhusoosya‑wo, ka wone niri na obhuturo bhwa okubhuramira rindi. Nikwo kutyo Raata waani ꞉aandagiriiye okukora.”

INDAGANO INYA:YA

¹⁸ Atariwo unu kabunso:syako nawe nanye omwene:ra enibuso:sya. Ndino buinga bwo kubuso:sya, ka ndino buinga bwo kusuba okubugega. Eciragiro eco naciyabirwe Rata.

Yowana 10:18 Referans Kwoze

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Yowana 10:17

“Raata aanyendere, kwa okubha enisoosya obhuwanga bhwani, korereki nibhuramire rindi.

Yowana 14:31

Jinu enikora nijo jinu Raata andagiriiye okukora, korereki abhaanu bhoone bhasombookerwe ati nimwendere. “Woori, mwimereeguru chisooke anu.”

Yowana 6:38

Anye ꞉niteejire okusooka mu‑rwire korereki nibhe ninkora jinu eneenda anye, tari korereki nibhe ninkora jinu keenda Raata unu ꞉aantumire.

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 10:11

“Anye naanye omureefi wa ekisi. Omureefi wa ekisi kaasoosyaga obhuwanga bhwaye inguru ya jinaama jaaye.

Ebikorwa 3:15

Kurwa ejo, ꞉mweetire unu ari bhusimukwa bhwa obhuwanga. Nawe Nyamuwanga ˆnaamusuurura okusooka mu‑bhafuuwe! Eswe chiri bhabhambaasi bha okusuuruka kwaye.

Ebikorwa 2:24

Nawe Nyamuwanga ˆnaamusoosya‑ko obhusungu obhururu bhwa orufu, kwa okumusuurura okusooka mu‑bhafuuwe, kwa okubha ꞉itaakaturikeene Yeesu agwatirirwe na amanaga ga orufu!

Yowana 5:30

Yeesu ˆnaagenderera okwayika ati, “Gutari‑wo omusango gwonegwone gunu enitura okukora ku‑bhuturo bhwani era. Enisoosya indamu ku‑bhaanu okuruubhana na kutyo Raata kaambwira. Indamu yaani niyo ya rirenga, kwa okubha nitakukora rwa kutyo anye omwene eneenda, tari enikora rwa kutyo Raata unu ꞉aantumire keenda.

Ebikorwa 2:32

Yeesu oyo, Nyamuwanga ꞉aamusuuruuye okusooka mu‑bhafuuwe, eswe bhoone chiri abhabhambaasi bha omusango ogwo.

Yowana 19:11

Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

Yowana 10:15

rwa kutyo Raata ammenyere, anye wone nimumenyere kisi. Anye enisoosya obhuwanga bhwani inguru ya jinaama jaani.

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.