Yowana 1:41 - Indagano Inyaaya mu-Chijita

⁴¹ Awoawo Andereya ˆnaagenda okuyenja Simooni, omumura waabho. Ejire aamubhona, ˆnaamubhwira ati, “Eswe chaarora Masiya!” Obhugajuro bhwa omusango Masiya ni “Kirisito.”

INDAGANO INYA:YA

⁴¹ Omwene niwe ambire okubona omumura wabo Simoni, namubwira ati, camurorere Masiya, obugajuro bwaryo ati, Kristo.

Yowana 1:41 Referans Kwoze

Yowana 4:25

Omugasi oyo ˆnaabhwira Yeesu ati, “Nimenyere ati Masiya kaaja, unu kaatogwa ati Kirisito. Ka wone nimenyere ati, omwanya gunu ariija, arichibhwira emisango joone.”

Yowana 1:45

Mbe, Firipo ˆnaabhona Natanayeri, ˆnaamubhwira ati, “Eswe chaarora omuunu unu Muusa ꞉aakaamire emisango jaaye mu‑chitabho cha ebhiraagiro. Abharagi wone ꞉bhaakaamire emisango inguru ya omuunu oyo. Risiina ryaye ni Yeesu wa Najareeti, omwana wa Jejefu.”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ruuka 2:38

Ku‑mwanya ogwoogwo, Aana oyo ˆnaakinga ku‑mwana oyo, ˆnaamba okusiima Nyamuwanga. ˆNaayika emisango ja omwana oyo, ku‑bhaanu bhoone bhanu bheeyikanyaga ati Nyamuwanga aryerura Yerusareemu.

Ruuka 2:17

Bhejire bhaamara okumurora, nibhabhatondera joone jinu maraayika aabhabhwira inguru ya omwana oyo.

Ebikorwa 4:27

“Okubha ni chimari ati mu‑musi gunu Yeroode Atipaasi na Pootiyo Piraato ꞉bhaabhugeene aamwi na abhaanu bhanu bhatari Bhayawudi na Abhayisirayeeri, korereki bhareme Yeesu, omukosi waawo omweru unu ꞉waasorere abhe Kirisito.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”