Yowana 1:14 - Indagano Inyaaya mu-Chijita

¹⁴ Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

INDAGANO INYA:YA

¹⁴ Omusango naba mubiri, ne:kara kwiswe, nicirora rikusyo ryae, niryo rikusyo rya Unu ebuywe umwi enyere:ra na Rata, e:jue ecigongo ne cimari.

Yowana 1:14 Referans Kwoze

1 Yoana 4:9

Nyamuwanga omwene ꞉eeresiisye eryenda ryaye kw‑iswe, kwa okutuma Omwana waaye umwi wenyere era mu‑chaaro, korereki Omwana oyo achiyaane obhuwanga bhwa akajaanende koone.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Yowana 1:1

Ku‑bhwambiro awo, aariga ari‑wo Musango. Musango oyo aariga ari aamwi na Nyamuwanga. Ka wone, Musango aariga ari Nyamuwanga.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Yowana 6:51

Anye naanye ebhiryo bhinu bhiikire okusooka mu‑rwire, bhinu ebhiyaana abhaanu obhuwanga bhwa akajaanende koone. Omuunu woonewoone unu kaarya ebhiryo ebhyo, kaabha na obhuwanga bhwa akajaanende koone. Ebhiryo ebhyo ni mubhiri gwani gunu nirisoosya inguru ya abhaanu bhoone bha ku‑chaaro kunu, korereki bhabhe na obhuwanga bhwa akajaanende koone.”

Bakolosai 1:19

Nikwo kutyo, kwa okubha ꞉jaakondeeye Nyamuwanga ati, obhukuumiiye bhwaye bhwone bhubhe mu‑Mwana waaye.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

Bakolosai 2:9

kwa okubha obhukuumiiye bhwone bhwa Nyamuwanga bhuri mu‑mwene, mu‑mubhiri gwa echinyamuunu.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Obhusweruro 21:3

Ninuungwa obhuraka obhunene okusooka ku‑chitebhe chirya cha ingʼoma, nibhwayikaga ati, “Ringira! Obhwikaro bhwa Nyamuwanga nibhwo obhwikaro bhwa abhaanu wone. Ariikara aamwi na abhaanu, bharibha abhaana bhaaye, omwene wone aribha Nyamuwanga weebhwe.

Baeburania 5:5

Nyabhuriko, Kirisito wone ꞉ateeyenjeeye omwene echibharo cha okubha Omugabhisi Omukuru, tari Nyamuwanga niwe ꞉aamusorere na okumubhwira ati, “Awe naawe Omwana waani, reero eniraasya ati anye niri Somwana.”

Baeburania 10:5

Kurwa ejo omwanya gunu Kirisito ꞉eejire ku‑chaaro chinu, ꞉aabhwiriiye Nyamuwanga ati, “Awe ꞉uteendere echiyaanwa noorwo echoogo, tari wiiraabhire omubhiri gwani okubha echoogo.

Yowana 11:40

Mbe, Yeesu ˆnaamubhwira ati, “Angu, nitaakubhwira ati, araabha owikirisya, owuja okurora rikusyo rya Nyamuwanga?”

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 2:11

Yeesu ꞉aakorere echibharikisyo echo mu‑musi gwa Kaana mu‑mukoowa gwa Gariraaya. Echo nicho echibharikisyo cha okwamba chinu ꞉aakorere okweresya rikusyo ryaye, na abheeyigisibhwa bhaaye nibhamwikirisya.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Baeburania 1:5

Okubha atari‑wo maraayika unu Nyamuwanga ꞉aabhwiriiye emisango rwa jinu ꞉aabhwiriiye Yeesu ati, “Awe naawe Omwana waani, reero eniraasya ati anye niri Somwana.” Ka wone Nyamuwanga ꞉ataayikire inguru ya maraayika woonewoone ati, “Anye niribha Esemwene, na omwene aribha Omwana waani.”

Yowana 14:9

Yeesu ˆnaamusubhya ati, “Firipo, niikaaye aamwi na emwe omwanya omureera gunu, uchaari kummenya? Omuunu woonewoone unu andorere, ararorere Raata. Mbe, kurwa ki owumbwira ati, ‘Cheeresye Raata’?

Ruuka 9:32

Omwanya ogwo, Peetero na abheejaabho bhaariga bhawongeeye tiro sito. Bhejire bhaarafya nibharora Yeesu ˆnaabharangisyaga kwa rikusyo ryaye. Nibharora abhaanu abhabhiri bharya, bheemereeguuyuga ayeeyi nage.

Yowana 17:22

Rikusyo rinu ꞉waanaaye, anye wone naayaana abheeyigisibhwa bhaani, korereki bhabhe chiinu chimwi, rwa kutyo anye na awe chiri chiinu chimwi.

Yowana 3:18

Nyamuwanga atakuramura abhaanu bhanu abheekirisya Omwana waaye. Nawe abhaanu bhanu bhatakumwikirisya, bharamuuywe kwa okubha bhateekirisiisye Omwana eenyere wa Nyamuwanga.

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

2 Bakorinto 12:9

Nawe omwene ˆnaambwira ati, “Obhwitiriranya bhwani bhukwiyire, kwa okubha amanaga gaani agabhuurisibhwa mu‑bhujorobhoke.” Kurwa ejo, niribhaga niniikuuya kw‑ikonderwa enene inguru ya obhujorobhoke bhwani, korereki amanaga ga Kirisito gabhe aamwi na anye.

Matayo 1:16

Yakobho ˆneebhura Jejefu, omurume wa Maryamu, na Maryamu niwe nyiramwene Yeesu unu kaatogwa Kirisito.

Bakolosai 2:3

Mu‑mwene oyo nimwo bhibhisirwe ebhibhiikwa bhyone bhya obhwengeeso na okusombookerwa.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

Ruuka 2:7

ˆNeebhura omwana waaye wa obhubhere ari wa echirume. ˆNaamuswikira emyenda, ˆnaamumaamya mw‑itubha rya okuriisisya‑mo jiingʼa, kwa okubha ꞉bhataabhwene obhumaamo mu‑nju ya abhagenyi.

Ebikorwa 13:33

aajikuumisya kw‑iswe abhaana bheebhwe, kwa okusuurura Yeesu. Nikwo kutyo jikaamirwe mu‑Jabhuri ya kabhiri ati, ‘Awe naawe Omwana waani, reero eniraasya ati anye niri Somwana.’

Yowana 8:32

Ka wone omuja okumenya echimari, na echimari echo, echija okubhakora mubhe abheetaage.”

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 18:37

Mbe, Piraato ˆnaamubhuusya ati, “Kutyo mbe, awe uri mukama?” Yeesu ˆnaamusubhya ati, “Naawe waayika ati, anye niri mukama. Anye ꞉neebhuuywe na okuuja ku‑chaaro kunu, korereki niiyigisye abhaanu echimari. Omuunu woonewoone unu kaaruubha echimari, kaategeresya emisango jaani.”

Obhusweruro 19:13

Ka wone afwaye omwingiro gunu gwinirwe mu‑sagama. Risiina ryaye kaatogwa ati, “Omusango gwa Nyamuwanga.”