Yakobo 5:4 - Indagano Inyaaya mu-Chijita

⁴ Mutegeresye kutyo abhakosi bheemwe abhabhajujuumira! Okubha ꞉bhaakorere emirimu mu‑masambu geemwe, nawe emwe ꞉mutabhariyire emiyeero jeebhwe. Abhagesi bhanu ꞉bhaakorere emirimu ja okugesa mu‑masambu geemwe, wone abhabhajujuumira na echiriro cheebhwe cheengiiye mu‑matwi ga Raatabhugenyi wa ebhise bhya abhasirikare bha mu‑rwire.

INDAGANO INYA:YA

⁴ Mbe murore, omuye:ro gwa bakosi banu babagesee amasambu gemwe, gunu mwabe:mire nimubajimya, nigwo ogurira. Ne bikunga byebwe banu babagesee byengiye mu matwi ga Ratabugenyi we bise.

Yakobo 5:4 Referans Kwoze

Barumi 9:29

Rwa kutyo omuragi Iisaya ꞉aayikire kara ati, “Raatabhugenyi wa ebhise bhya abhasirikare bha mu‑rwire akabheeye atasigasiisye‑wo eswe Abhayisirayeeri bhatooto, chakabheeye chisingaarikire bhoone rwa abhaanu bha Sodoma na Gomoora.”

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

Bakolosai 4:1

Emwe abhaami, mukoreraga abhagaya bheemwe mu‑bhurengeresi rwa kutyo jiiyire bhakorerwe. Mwichuke ati emwe wone muri na omwami weemwe mu‑rwire, niwe Raatabhugenyi.

Matayo 9:37

Mbe ˆnaabhwira abheeyigisibhwa bhaaye ati, “Ebhigeswa ni bhyafu, nawe abhagesi ni bhatyari.