Yakobo 5:16 - Indagano Inyaaya mu-Chijita

¹⁶ Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.

INDAGANO INYA:YA

¹⁶ Mbe, mwigambiranega ebibi:bi byemwe, musabiranega, korereki muosibwe. Okusabwa kwo mu:nu murenge:resi okukora na managa ma:fu.

Yakobo 5:16 Referans Kwoze

Matayo 21:22

Araabha muri na eriikirisya, choonechoone chinu omusabhwa ku‑Nyamuwanga, muriramira.”

Yowana 9:31

Chimenyere ati, Nyamuwanga atakungwaga risabhwa rya abhakosi bha ebhibhiibhi, tari koongwaga omuunu woonewoone unu kaamuramya na okukora jinu Nyamuwanga keenda.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.

Ebikorwa 19:18

Awo abhaanu bhaafu bhanu ꞉bheekirisiisye Yeesu, bhaariga nibhata imbere ya abhaanu ebhikorwa bhyebhwe ebhibhiibhi bhinu bhaariga bhakorere.

1 Batesalonika 5:17

mwasiga okuyigwa okusabhwa Nyamuwanga.

Baeburania 12:13

Muribhatega ku‑njira jinu jiimire, korereki echiinu chinu chifuuwe amaguru chaasiga okuwutaara, tari chiwosibhwe.

1 Batesalonika 5:25

Woori, abhayiri bheeswe, muchisabhirwe eswe wone ku‑Nyamuwanga.

Matayo 3:6

Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

Baeburania 13:18

Mugenderere okuchisabhirwa. Chimenyere chimari ati emitima jeeswe ni myeru, kwa okubha cheendere okukora jinu jiri ja obhurengeresi ku‑bhaanu bhoone.

Baeburania 11:7

Eriikirisya niryo ꞉ryakorere Nuuwu ˆnaagayuka Nyamuwanga, omwanya gunu Nyamuwanga ꞉aamukengiisye inguru ya emisango jinu jaariga jichaari okukorekana. ꞉Aakonjere echiinu rwa ingarabha inene, korereki achungure abhaanu bhaaye. Ku‑njira ya eriikirisya eryo, ˆneekindika okusooka ku‑bhaanu bha ku‑chaaro bhanu ꞉bhateekirisiisye Nyamuwanga, korereki bharamurwe. Ka wone, ku‑njira ya eriikirisya eryoeryo, Nyamuwanga ˆnaabhara Nuuwu okubha omurengeresi imbere yaaye.

Barumi 5:19

Omuunu umwi ejire aarema okugayuka Nyamuwanga, ꞉aaretereeye abhaanu bhoone bhabhe abhakosi bha ebhibhiibhi. Kutyokutyo, omuunu umwi ejire aagayuka Nyamuwanga, ꞉aaretereeye abhaanu bhaafu bhabhe abharengeresi imbere ya Nyamuwanga.

Barumi 3:10

Rwa kutyo Ebhikaame Ebhyeru ebhyayika ati, “Atari‑wo omuunu omurengeresi imbere ya Nyamuwanga, noorwo umwi.

Baeburania 11:4

Eriikirisya niryo ꞉ryakorere Abheeri ˆnaasoosisya Nyamuwanga echoogo cha ekisi okukira chinu Kayini ꞉aasoosiisye. Ku‑riikirisya eryo Nyamuwanga ꞉aabharire Abheeri okubha omuunu omurengeresi, na ˆnaaramira echoogo chaaye. Noorwo kutyo Abheeri ꞉aafuuwe, nawe eriikirisya ryaye erigenderera okubha echijekekanyo cha ekisi kw‑iswe noorwo reero inu.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

Bakolosai 1:9

Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

Ruuka 9:6

Mbe, nibhagenda, nibheeyinda enu na erya mu‑nguuyo, nibharaasisyaga abhaanu Emisango ja Ekisi, na okuwosya abharwaye bhuri rubhaara.

Mariko 1:5

Abhaanu bhaafu bhaariga nibhamuuja‑ko okusooka mu‑musi gwa Yerusareemu na mu‑mukoowa gwone gwa Yuudeya. Abhaanu abho, bhaariga nibhegamba ebhibhiibhi bhyebhwe, na omwene ˆnaabhabhatiija mu‑musima gwa Yorodaani.

Ebikorwa 8:24

Simooni ˆnaamubhwira ati, “Emwe, munsabhirwe ku‑Raatabhugenyi, korereki gwasiga okumbona noorwo omusango gumwi mw‑ijo mwaayika!”