Yakobo 3:15 - Indagano Inyaaya mu-Chijita

¹⁵ Obhwengeeso bhwa imbaga eyo, bhutakusooka ku‑Nyamuwanga, tari ni bhwengeeso bhunyachaaro, bhunyamuunu na obhusooka ku‑Syetaani.

INDAGANO INYA:YA

¹⁵ Obwenge obwo butaso:kere inguru, nawe ni bwa si, ni bwa ba:nu, ka ni bwa Syetani.

Yakobo 3:15 Referans Kwoze

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

1 Bakorinto 3:19

Akore kutyo, kwa okubha obhwengeeso bhwa echaaro chinu, ni bhumuumu imbere ya Nyamuwanga. Jiri rwa kutyo jikaamirwe mu‑Bhikaame Ebhyeru ati, “Nyamuwanga kaakoma abha obhwengeeso mu‑bhurigerige bhwebhwe.”

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

1 Timoteo 4:1

Woori, Mwoyo Mweru kaayika abhwerubhweru ati, mu‑siku ja obhuteero, abhaanu abhandi bharisiga eriikirisya rya echimari, bharitegeresya emyoyo jinu ejiyabhya na bharigayuka ameeyigisyo ga amasyetaani.

Yuuda 1:19

Abhaanu abho, nibho abhareterera okwawukana, abheeganirisya emisango ja ku‑chaaro era, bhatari na Mwoyo wa Nyamuwanga.

1 Bakorinto 3:3

kwa okubha muchaatangasibhwa na emisango ja echaaro. Angu, araabha agati yeemwe ruri‑wo orwiso na inyombo, ebhyo bhitakweresya ati muchaatangasibhwa na emisango ja echaaro na okwikara rwa abhaanu bha echaaro?

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 9:11

Jiisige ejo, jaariga jiri na omukama waajo. Omukama oyo aariga ari maraayika omukuru wa mu‑ryobho rinu ritari na obhuteero. Maraayika oyo, mu‑Chiyebhuraniya kaatogwa Abhadooni na mu‑Chiyunaani kaatogwa Aporiyooni. Obhugajuro bhwagwo ni “Omusingaarisi.”

Obhusweruro 2:24

Woori emwe mw‑ikanisa rya Tiyaatira, agati yeemwe bhari‑wo abhandi bhanu bhari abheeyikanyibhwa. Abhaanu abho bhatakuruubha ameeyigisyo ga Yejebheeri oyo, noorwo bhatakumenya emisango jinu abhaanu abhandi abhatoga ati ni emisango ja imbisike muno. Chimari emisango ejo ni meeyigisyo ga Syetaani! Tari abhaanu abheeyikanyibhwa bharya, enibhabhwira ati, nitaribhoongesya‑ko omugugu ogundi,

2 Batesalonika 2:9

Mbe, Omunyamusi oyo omwanya gwa okutuurwa abhweru kwaye, ariija na obhuturo bhwone bhwa Syetaani. Niwo, ku‑bhuturo obhwo arikora ebhibharikisyo na ebhiruguusyo bhya orubheeyi.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

1 Bakorinto 1:27

Nawe Nyamuwanga ꞉aawuuwe emisango jinu abhaanu abharora ati ni bhumuumu, korereki aswasye abha obhwengeeso. Ka wone Nyamuwanga ꞉aawuuwe emisango jinu abhaanu abharora ati ni bhujorobhoke, korereki aswasye abha amanaga.

Barumi 1:22

Abheekuuya ati nibho abha obhwengeeso, nawe ni bhamuumu.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Ruuka 16:8

“Mbe, omwami oyo, ejire aamenya emisango ejo, ˆnaakuuya omwangarisi oyo, ku‑bhwenge bhwaye bhunu ꞉aakorere. “Naabhabhwira echijekekanyo echo, kwa okubha, abhaanu bhanu abhanyaakirira emisango ja ku‑chaaro chinu, bhari na obhwengeeso muno bhwa okusakirana abheene kwa abheene, okukira abhaanu bhanu abhagayuka emisango ja Nyamuwanga.