Yakobo 1:4 - Indagano Inyaaya mu-Chijita

⁴ Omukenwa mugenderere okwigumiirisya okukingira ku‑bhuteero, korereki mubhe mukuumiiye chimwi, mutagerukiiywe wuri echiinu choonechoone.

INDAGANO INYA:YA

⁴ Mbe okwigumirisya kukorega murimu muku:miye, korereki mube banu muku:miye na banu mukurire, na banu mutakugerukirwa ci:nu.

Yakobo 1:4 Referans Kwoze

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

2 Timoteo 3:17

Mbe, Ebhikaame ebhyo ebhikora abhaana bha Nyamuwanga bhabhe bheemariiriiye na bhabhe bhatengeejere okukora ebhikorwa bhya ekisi.

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

Bagalatia 6:9

Kurwa ejo, chisige okuyigwa okukora ebhikorwa bhya ekisi! Araabha echiigumiirisya mu‑kukora ja ekisi, chirigesa ja ekisi omwanya gwa okugesa gukakinga.

Yakobo 3:2

Ni chimari abhaanu bhoone echiyabhaga mu‑misango myafumyafu. Araabha omuunu woonewoone atakuyabha mu‑kwayika kwaye, omwene oyo ni omuunu unu akuumiiye, ka wone kaatura okuyingirira omubhiri gwaye gwone.

Yakobo 1:5

Nawe araabha ari‑wo omuunu mw‑imwe unu akeeyeeywe obhwengeeso, kaakenwa asabhwe Nyamuwanga, omwene arimuyaana. Okubha Nyamuwanga kaayaana abhaanu bhoone, ku‑bhwafu, noorwo atakugonya wuri.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

Bakolosai 4:12

Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

Ruuka 8:15

“Jimbibho jinu ꞉jaaguuwe mu‑mayaru ga ekisi, ejisusanyibhwa na abhaanu bhanu abhoongwa omusango gwa Nyamuwanga, nibhagugwata mu‑mwoyo gwa echimari, na mu‑bhwigumiirisya bhwebhwe abhatwasya amatwasyo omwanya gwone.

Matayo 10:22

Abhaanu bhoone bharibhasoka ku‑songa yaani. Nawe, omuunu woonewoone unu ariigumiirisya okukingira ku‑bhuteero, niwe Nyamuwanga arichungura.

2 Petero 1:9

Nawe omuunu unu atari na jitungwa ejo, omwene ari rwa omuwofu, nikwo okwayika ati, atakurora kura, kwa okubha arabhiiywe ati Nyamuwanga amwesiisye ebhibhiibhi bhyaye.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Mariko 10:21

Yeesu ˆnaamuringira nekeneke, ˆnaamwenda, ˆnaamubhwira ati, “Ugerukiiywe‑wo omusango gumwi. Genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara uuje, unduubhe.”

Matayo 19:20

Omusigaji oyo ˆnaayika ati, “Nigayukire ebhiraagiro ebhyo bhyone. Ni chiinu ki echindi chinu nigerukiiywe?”

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.