Yakobo 1:3 - Indagano Inyaaya mu-Chijita

³ kwa okubha, mumenyere ati araabha eriikirisya ryemwe eriregeejibhwa, obhwigumiirisya bhwemwe obhwiyongesya.

INDAGANO INYA:YA

³ Mumenye ati, okusakwa kwo kwikirisya kwemwe okure:ta okwigumirisya.

Yakobo 1:3 Referans Kwoze

Baeburania 10:36

Mwenderwe mwigumiirisyega, korereki mubhe nimukora jinu Nyamuwanga keenda. Ku‑njira eyo, muriramira jinu Nyamuwanga ꞉aaragire okubhayaana.

Bakolosai 1:11

Echisabhwa Nyamuwanga abhasakirega ku‑managa gaaye amaafu, korereki mubhe na obhuturo bhwa okwigumiirisya mu‑joone aamwi na okukondererwa.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Barumi 15:4

Joone jinu ꞉jaakaamirwe kara mu‑Bhikaame Ebhyeru, ꞉jaakaamirwe inguru ya okuchiiyigisya. Ebhikaame ebhyo ebhichisakira okwigumiirisya mu‑bhinyaasyo bhyeswe na okufungʼamibhwa, korereki chibhe na obhwiyikanyo.

2 Petero 1:6

Ka wone, obhumenyi obhwo bhwongesibhwe okwiyingirira, okwiyingirira okwo kwongesibhwe obhwigumiirisya, obhwigumiirisya obhwo bhwongesibhwe okuyaana Nyamuwanga echibharo.

Barumi 8:25

Nawe chikeeyikanya okuyaanwa echiinu chinu chitakutura okuchirora, echirindirira kwa obhwigumiirisya okufwa omwoyo wuri.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

2 Batesalonika 3:5

Raatabhugenyi atangasye emyoyo jeemwe mu‑ryenda rinu erisooka ku‑Nyamuwanga na okwigumiirisya kunu okusooka ku‑Kirisito.

2 Batesalonika 1:4

Eswe wone, echikonderwa muno bhunu echisimura inguru yeemwe, mu‑makanisa ga Nyamuwanga. Echikondererwa kutyo omugenderera na obhwigumiirisya bhwemwe na eriikirisya ryemwe noorwo mu‑bhinyaasyo bhyone bhinu omubhona.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Baeburania 6:12

Mwasiga okurengaara, tari mubhe rwa abhaanu bhanu ku‑njira ya okwikirisya na okwigumiirisya, bhaaramira jinu Nyamuwanga ꞉aaragire okubhayaana.