Yakobo 1:22 - Indagano Inyaaya mu-Chijita

²² Musigega okwijiga abheene. Musige okubha abhaanu bhanu omutegeresya era omusango gwa Nyamuwanga, tari mukorega kutyo ogwayika.

INDAGANO INYA:YA

²² Nawe mubega bakosi bo musango, amwi mutari bo kungwa:ra, nimwibebeya abene.

Yakobo 1:22 Referans Kwoze

Barumi 2:13

Bhariramurwa, kwa okubha Nyamuwanga atakubhara omuunu okubha omurengeresi kwa okuungwa ebhiraagiro ebhyo era, tari unu kaakora jinu ebhiraagiro ebhimuragirira akore.

Yowana 13:17

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

Yakobo 4:17

Mbe, omuunu woonewoone unu amenyere okukora gwa ekisi, nawe atakugukora, oyo kaakora echibhiibhi.

1 Yoana 2:3

Araabha chikagayuka ebhiraagiro bhyaye, niwo echimenya ati echimusombookerwa.

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

Matayo 12:50

Okubha omuunu woonewoone unu kaakora okwenda kwa Raata waani unu ari mu‑rwire, oyo niwe omumura waasu, omuyara waasu na maayi.”

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

Obhusweruro 22:7

Yeesu kaayika ati, “Tegeresya! Eniija bhwangu. Bharibhona amabhando bhanu abhagayuka na okuruubha emisango ja obhuragi bhwa echitabho chinu.”

1 Yoana 3:7

Mbe, abhaana bhaani mu‑riikirisya, mwangarire korereki omuunu woonewoone aasiga okubhayabhya. Omuunu woonewoone unu kaakora ja rirenga, ni murengeresi, rwa kutyo Kirisito ari murengeresi.

Yakobo 1:26

Araabha omuunu keerora ati kaaramya Nyamuwanga, nawe atakuyingirira orurimi rwaye okwayika emibhiibhi, keejiga omwene, okuramya Nyamuwanga kwaye kutari‑mo omuriiro.

Bagalatia 6:7

Mwasiga okwijiga abheene, Nyamuwanga atakusiijaakwa. Echiinu chinu omuunu kaayamba, nicho arigesa.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

1 Bakorinto 15:33

Mwasiga okujigwa na abhaanu bhanu abhaayika kutyo, okubha, “Abhasaani abha jitungwa jimbiibhi, abhanyamura jitungwa ja ekisi.”

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

2 Petero 2:13

Ka wone, bhaririywa ebhinyaasyo rwa kutyo ꞉bhaaretereeye abhaanu abhandi. Abhakonderwa okukora emisango ja okurigira kwebhwe okubhiibhi abhwerubhweru. Noorwo omwanya gunu abharya aamwi na emwe, abhakondererwa okubhajiga. Ku‑njira eyo, abheene bhari rwa obhutonetone ku‑myenda emyeru na abhabhaswasya.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.