Yakobo 1:19 - Indagano Inyaaya mu-Chijita

¹⁹ Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

INDAGANO INYA:YA

¹⁹ Ba:na ba:su abendwa, mumenye ati, mu:nu wo:ne abega mwangu wo kungwa, nawe asigega kwangua okwaika amwi kubiirwa.

Yakobo 1:19 Referans Kwoze

Baefeso 4:26

Mukabhiyirwa mutaja okukora echibhiibhi, noorwo risuubha risige okugwa, risungu richaari okubheeka.

Bakolosai 3:8

Nawe woori musige chimwi emisango ejo joone, aamwi na okubhiyirwa, risungu, obhujabhi, amafumo na emisango jinu jiri ja jiswaro jisige okusooka mu‑kanwa keemwe.

Baefeso 4:31

Musigane na obhururu bhwone, risungu, okubhiyirwa, inyombo, amafumo, aamwi na obhujabhi bhwone.

Bakolosai 3:15

Omurembe gwa Kirisito gutunge mu‑myoyo jeemwe. Emwe mubheeye omubhiri gumwi, kurwa ejo mubhirikiiywe okurama kwa omurembe. Ka wone, nimusiimaga Nyamuwanga.

Matayo 5:22

Nawe anye enibhabhwira ati, omuunu woonewoone unu kaasoka oweejaabho, kaakenwa aramurwe. Ka wone, woonewoone unu kaafuma oweejaabho ati, ni mutaamutaamu, omwene wone kaakenwa aramurwe kw‑ibharaja rikuru rya Abhayawudi. Omuunu woonewoone unu kaafuma oweejaabho ati, ni mumuumu, kaakenwa eeswe mu‑muriro gwa akajaanende koone!

Yakobo 1:26

Araabha omuunu keerora ati kaaramya Nyamuwanga, nawe atakuyingirira orurimi rwaye okwayika emibhiibhi, keejiga omwene, okuramya Nyamuwanga kwaye kutari‑mo omuriiro.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

Ebikorwa 17:11

Abhaanu bha Bherooya awo, bhaariga bhari na obhutinge bhwa kisi okukira abha Tesaroonike. Nibhakora Pawuro, abharaasisye omusango gwa Nyamuwanga, nibhaguramira kwa amanaga goone. Bhaaringiraga mu‑Bhikaame Ebhyeru bhuri rusuku, korereki bhamenye ati ejo aayikaga Pawuro ni ja echimari.

Ruuka 19:48

Nawe ꞉bhataabhwene omwanya gwa okukora kutyo, kwa okubha abhaanu bhoone bhaariga nibhamuruubha okutegeresya muno emisango jaaye.

Mariko 2:2

Abhaanu bhaafu nibheekofyanya mu‑nju irya, nibheejura okukingira okusibha injira ya okutura mu‑muryango. Yeesu aariga ˆnaaraasisya abhaanu omusango gwa Nyamuwanga.

Ebikorwa 10:33

Niyo isonga, awoawo ꞉naatumire abhaanu bhaaje bhakubhirikire na waakora ja ekisi okuuja. Woori eswe bhoone chiri anu imbere ya Nyamuwanga, korereki chuungwe bhuri omusango gunu Raatabhugenyi akuragiriiye okuchibhwira.”

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Ruuka 15:1

Omwanya ogwo, abhatobhesya bha rigooti na abhaanu abhandi abhakosi bha ebhibhiibhi, bhaariga nibhaaja ku‑Yeesu, korereki bhamutegeresye.

1 Yoana 2:21

Isonga ya okubhakaamira inyarubha inu, itari ati, mutakumenya echimari, tari kwa okubha muchimenyere. Ka wone ameeyigisyo goonegoone ga orubheeyi gatakusooka mu‑chimari.

Ebikorwa 13:48

Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

Mariko 12:37

“Dawudi omwene kaayika ati Kirisito ni Raatabhugenyi waaye. Kurwa ejo, Kirisito atakutura okubha omwana waaye era, tari ni Raatabhugenyi waaye wone.” Abhaanu bha echise echinene echo bhaariga nibhategeresya Yeesu kwa rikonderwa.

Ebikorwa 1:15

Ku‑mwanya ogwo, abheekirisya bha Yeesu nibheekofyanya, obhukumi bhwebhwe bhwariga wuti egana rimwi na makumi gabhiri (120) kutya. Niwo Peetero ˆneemereeguru agatigati yeebhwe, ˆnaabhabhwira ati,

Yakobo 1:2

Abhayiri bhaani mu‑riikirisya, mukonderwaga muno omwanya gunu omuregeejibhwa amaregeejo ga bhuri mbaga,

Yakobo 1:16

Abhayiri bhaani abheendwa, mwasiga okujigwa.

Yakobo 2:1

Abhayiri bhaani mu‑riikirisya, rwa kutyo mwikirisiisye Raatabhugenyi weeswe Yeesu Kirisito owa rikusyo, musige okubha na isoroore ku‑bhaanu.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Yakobo 3:10

Mu‑munwa ogwoogwo ogumwi, nimwo ejisooka emisango ja okukuuya na eja okwiyiima. Abhayiri bhaani mu‑riikirisya, ejo jiteeyire jibhe kutyo.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.

Yakobo 5:12

Abhayiri bhaani mu‑riikirisya, okukira joone, mwasiga okurayira ku‑rwire, ku‑chaaro, noorwo ku‑chiinu choonechoone chirya. Mwayikega ati ni chimari jikabha jiri chimari na mwayikega ati ni wuri jikabha jiri wuri. Araabha mukakora kutyo, mutariramurwa.

Yakobo 5:19

Abhayiri bhaani mu‑riikirisya, owumwi weemwe akayabha na okubha kura na echimari na omwikirisya oweejaabho ˆnaamusubhya rindi ku‑njira ya echimari,