Tiito 3:5 - Indagano Inyaaya mu-Chijita

⁵ ꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

INDAGANO INYA:YA

⁵ Nacionya, tari kurwe bikorwa byo burenge:resi binu cakorere eswe, nawe nacionya kurwe cigongo cae, kurwo kwosibwa kwo kwiburwa kwa kabiri, no kukorwa baya:ya no Mwoyo Mweru,

Tiito 3:5 Referans Kwoze

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Baefeso 2:4

Nawe omwene, ku‑chigongo chaaye echaafu na ku‑ryenda ryaye eryafu kw‑iswe,

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Barumi 11:6

Bhaasorwa kwa obhwitiriranya bhwa Nyamuwanga, kurwa ejo bhatakuchungurwa ku‑songa ya ebhikorwa bhyebhwe. Araabha bhakachunguuywe ku‑songa ya ebhikorwa bhyebhwe, mbe obhwitiriranya obhwo bhutaakabheeye obhwitiriranya rindi.

Baeburania 4:16

Kurwa ejo chibhe na ribhaasi mu‑kufogera ku‑chitebhe cha ingʼoma cha Nyamuwanga, korereki achiyaane echigongo na obhwitiriranya bhwa okuchisakira omwanya gwa obhukene bhweswe.

Bakolosai 3:10

na mufwaye bhumuunu obhuyaaya. Nyamuwanga omwene niwe ꞉aabhumbire bhumuunu obhuyaaya obhwo na kaagenderera okubhukora bhususane nage kata, korereki mumusombookerwe kisi.

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

1 Petero 2:10

Kara eyo, emwe mwariga mutari bhaanu bha Nyamuwanga, nawe woori emwe muri bhaanu bhaaye. Ka wone, Nyamuwanga aariga atabhafwiriiye echigongo, nawe woori, abhafwiriiye.

Baefeso 4:23

꞉Mweeyigisiibhwe mwikirisisye Mwoyo Mweru abhakore abhayaaya mu‑bhwiganirisya bhwemwe.

Barumi 3:28

Chimenyere ati Nyamuwanga niwe kaabhara omuunu okubha omurengeresi kwa okwikirisya Yeesu era, kutari kwa okuruubha ebhiraagiro bhya Muusa.

Barumi 9:11

Omwanya gunu amarongo ago gaariga gachaari kwibhurwa, na bhunu gaariga gachaari okukora choonechoone cha ekisi amwi echibhiibhi, Nyamuwanga ˆnaabhwira Rebheka ati, “Omukuru arikorera emirimu omutooto.” Omusango ogwo ogweresya ati Nyamuwanga kaasora omuunu okuruubhana na obhutinge bhwaye, kutari kuruubhana na ebhikorwa bhya omuunu oyo, na obhutinge bhwaye obhutunga chinu chirikorekana.

Ruuka 1:78

Ku‑njira ya obhwafu bhwa echigongo cha Nyamuwanga weeswe, obhuchungusi okusooka mu‑rwire bhwachiija‑ko, rwa obhweru bhwa risuubha,

Ruuka 1:54

Aasakira omukosi waaye Yisirayeeri, eechuka okumufwira echigongo.

Ruuka 1:50

Kaagenderera okubha na echigongo, ku‑bhaanu bha bhuri eyimbo bhanu bharibhaga nibhamugayuka.

Tiito 3:4

Nawe Nyamuwanga Omuchungusi weeswe, ꞉eeresiisye bhwa ekisi na eryenda ryaye ku‑bhaanu na okuchichungura.

Barumi 9:30

Mbe, chaayike ki woori inguru ya emisango ejo? Abhaanu bhanu bhatari Bhayisirayeeri ꞉bhateekomeesiisye okubha abharengeresi imbere ya Nyamuwanga, nawe Nyamuwanga ꞉aabhabharire okubha abharengeresi ku‑njira ya kwikirisya Kirisito.

Barumi 9:16

Kurwa ejo, Nyamuwanga eenyere niwe kaaramura okufwira echigongo omuunu woonewoone, kutari kusookana na okwikomeesya amwi okwenda kwa omuunu oyo.

Barumi 4:5

Nawe omuunu unu atakwiyikanya ebhikorwa bhyaye, aakeekirisya Nyamuwanga unu kaabhara omuunu omujabhi okubha omuunu omurengeresi, oyo niwe Nyamuwanga kaabhara okubha omuunu omurengeresi okuruubhana na eriikirisya ryaye.

Ruuka 1:72

꞉Aayikire ati, aribhafwira echigongo bhasaaja weeswe, na okwichuka indagano yaaye iinyeru.

Baeburania 6:6

Nawe woori, bhasigire okwikirisya Nyamuwanga. Jitakuturikana wuri okusubhya abhaanu abho, korereki bhate rindi ebhibhiibhi bhyebhwe ku‑Nyamuwanga. Ku‑njira ya okurema Omwana wa Nyamuwanga, abhamubhamba ku‑musarabha rwa kabhiri na okumuswasya abhwerubhweru.

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Barumi 11:14

niniiyikanya ati, amwi okutura emirimu jaani ejo, Abhayisirayeeri bheejaasu bharyungwa obhwiro bhwa okubhona obhuchungusi rwa kutyo emwe ꞉mwabhubhwene, korereki abhaanu abharebhe mu‑bheene wone bhachunguke.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.