Tiito 3:2 - Indagano Inyaaya mu-Chijita

² Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

INDAGANO INYA:YA

² Basigega kufuma mu:nu wo:ne, na kuyomba uri, babega bo:roro, be:resyega obufura bwone ku ba:nu bo:ne.

Tiito 3:2 Referans Kwoze

Baefeso 4:31

Musigane na obhururu bhwone, risungu, okubhiyirwa, inyombo, amafumo, aamwi na obhujabhi bhwone.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

1 Petero 3:10

Rwa kutyo jikaamirwe mu‑Bhikaame Ebhyeru ati, “Omuunu akeenda okubha na obhuwanga na rikonderwa, asige okuroma abheejaabho noorwo okubhabheeyeresya.

1 Petero 3:8

Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

1 Petero 2:1

Mbe, musige obhujabhi bhwone, obhujigi bhwone, obhwirimaanya, orwiso noorwo okuroma oweejaanyu.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

1 Timoteo 3:11

Abhagasi bheebhwe wone, bhabhe abha jitungwa ja ekisi, bhasige okubha abharomi bha abhaanu, bhabhe bha okwiyingirira, ka wone, bhabhe abheeyikanyibhwa mu‑misango joone.

1 Batesalonika 2:7

Chaariga chiri bhoorooro kw‑imwe rwa kutyo omugasi kaarera abhaana bhaaye.

Bafilipi 4:5

Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.

1 Bakorinto 9:19

Anye nitari mugaya wa omuunu woonewoone, niri mwitaage. Nawe niiteeye‑wo okubha omugaya wa abhaanu bhoone, korereki okusakira abhaanu bhaafu bheekirisye Kirisito.

2 Bakorinto 12:20

Enuubhaya ati, omwanya gunu niribhaaja‑ko, amwi niribhasongʼana muri na akatungiiywe kanu katakunkondisya. Eryo ririreterera nikore jinu jitaribhakondera emwe. Enuubhaya ati enitura okubhasongʼana muri na inyombo, orwiso, risungu, orwango, okuromana, okwitemeeka, orwikuuya na injogere.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

Ebikorwa 23:5

Pawuro ˆnaabhasubhya ati, “Abhayiri bhaasu, naari nitakumenya ati omwene niwe omugabhisi omukuru, okubha jikaamirwe ati, ‘Nuusige okwayika kubhiibhi omutungi wa abhaanu bhaawo.’”

Yuuda 1:10

Nawe abhaanu abho, abhafuma emisango jinu bhatakusombookerwa. Ka wone, emisango jinu bhasimukire bhajisombookeeywe rwa jityanyi jinu jitari na obhwenge, ejo nijo ejibhasingaarisya.

Yuuda 1:8

Noorwo kutyo indamu ya Nyamuwanga iri kutyo, abheeyigisya bha orubheeyi bharya, abharoota ebhirooto bhinu ebhireterera bhajabhiyaasye emibhiri jeebhwe, abherema obhuturo bhwa Nyamuwanga na okufuma ebhibhumbwa ebhya rikusyo bhya mu‑rwire.

2 Petero 2:10

chimwichimwi bharya abharuubha okurigira okubhiibhi kwa echinyamubhiri na okugaya obhuturo bhwa Nyamuwanga. Abheeyigisya bha orubheeyi abho, bhari na jitungwa ja jimamba na orwikuuya, noorwo bhatakuubhaya okufuma ebhibhumbwa bhya rikusyo bhya mu‑rwire.

1 Petero 4:4

Abhaanu bhanu bhatakwikirisya Nyamuwanga, abharuguura omwanya gunu abharora ati, mutakusangira aamwi nabho rindi okukora ebhibhiibhi, kurwa ejo, abhabhafuma.

1 Bakorinto 6:10

abheefi, bha omuruuru, abhakorwa, abhasokanya, abhasaakusi, abho bhoone bhatariingira mu‑bhukama bhwa Nyamuwanga.