Tiito 1:9 - Indagano Inyaaya mu-Chijita

⁹ Abhe na eriikirisya rinu rirumateene ku‑misango ja echimari inguru ya Yeesu Kirisito, rwa kutyo ꞉eeyigisiibhwe. Niwo omwene wone, kaatura okusimbiisya abhaanu abhandi ku‑meeyigisyo ga echimari na okugonya abhaanu bhanu abhaayika emibhiibhi inguru ya ameeyigisyo ago.

INDAGANO INYA:YA

⁹ Abe unu karumya omusango mwiikanyibwa rwa kutyo e:igisibwe, korereki aturega okukomeresya mu kwiigisya kunu kwimire, no kubaiga aba jimamba.

Tiito 1:9 Referans Kwoze

2 Batesalonika 2:15

Woori abhayiri bheeswe, murumatane kisi na okugwata ameeyigisyo ganu ꞉mwaramiiye, ku‑njira ya omusango gweswe gunu ꞉chaaraasiisye amwi ꞉chaabhakaamiiye ku‑nyarubha yeeswe.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

1 Timoteo 6:3

Bhari‑wo abhaanu bhanu abheeyigisya ameeyigisyo ga orubheeyi. Abheeyigisya ameeyigisyo ganu gatakwikirisyanya na ameeyigisyo ga echimari ga Raatabhugenyi weeswe Yeesu Kirisito, ka wone gatakwikirisyanya na ameeyigisyo ganu agasakira abhaanu okwikara rwa kutyo Nyamuwanga keenda.

1 Timoteo 1:10

ku‑bharomesi na ku‑bhanu abhasambuka abharume abheejaabho, ku‑bhanu abheetegaanira abhaanu na okubhagusya mu‑bhugaya, abhabheeyi na ku‑bhanu abharayira ku‑rubheeyi. Ebhiraagiro bhiteeywe‑wo ku‑misango joone jinu jitakwikirisyanya na ameeyigisyo ga echimari.

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.

1 Timoteo 1:15

Omusango gunu ni gwa echimari na gwiyire okwikirisibhwa ati, “Kirisito Yeesu ꞉eejire mu‑chaaro, korereki achungure abha ebhibhiibhi.” Anye niri owa ebhibhiibhi okukira abho bhoone.

Tiito 2:1

Nawe awe Tiito, mu‑meeyigisyo gaawo, wiyigisye abhaanu ameeyigisyo ga echimari era.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

2 Timoteo 4:3

Okubha guriija omwanya gunu abhaanu bharibhaga bhatakutegeresya ameeyigisyo ga echimari. Bharyenda okutegeresya ganu agabhakondisya era na okusora abheeyigisya bha okubheeyigisya ganu abheenda okuungwa.

1 Batesalonika 5:21

tari, muregeeje emisango joone ja obhuragi, nawe mugwate‑mo ja ekisi

Obhusweruro 3:11

Eniija bhwangu! Mubhe abheeyikanyibhwa, korereki omuunu woonewoone aasiga okubhateesya orutengya rwemwe.

Obhusweruro 2:25

tari mubhe abheeyikanyibhwa okukingira anu niriija.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

1 Timoteo 4:9

Omusango ogwo ni gwa echimari na gwiyire okwikirisibhwa.

1 Timoteo 1:19

Ugwatirire eriikirisya na okubha na omutima gwa ekisi. Abhaanu abhandi abhagaya okukora emisango jinu abhamenya ati ni chimari, eryo rikorere nibhasiga okwikirisya Nyamuwanga.

Ebikorwa 18:28

Okubha Apooro, ꞉aayigire Abhayawudi abhwerubhweru, aabheeresyaga kwa Ebhikaame Ebhyeru ati Yeesu niwe Kirisito.

1 Bakorinto 14:24

Nawe bhoone bhaakabha nibhasoosya obhuragi, ˆneengira omuunu unu atari na obhuturo bhwa okusombookerwa jinyaayika jingenyi, amwi unu atari mwikirisya, jinu koongwa okusooka ku‑bhoone ejimukora asombookerwe obhujabhi bhwaye. Ka wone jinu koongwa ejimuramura.

2 Timoteo 3:14

Nawe awe genderera okuruubhirisya jinu ꞉bhaakwiyigisiisye nuujiikirisya ati ni ja echimari. Okubha ubhamenyere kisi bhoone bhanu ꞉weeyigiiye‑ko.