Tiito 1:15 - Indagano Inyaaya mu-Chijita

¹⁵ Ku‑bhaanu bhanu emitima jeebhwe ni myeru imbere ya Nyamuwanga, ebhiinu bhyone bhyesiibhwe. Nawe, ku‑bhaanu abhajabhi na bhanyateekirisya, ebhiinu bhyone ni bhijabhi, kwa okubha obhwiganirisya bhwebhwe na emitima jeebhwe, bhijabhiyaaye.

INDAGANO INYA:YA

¹⁵ Ku banu be:rere, byone ni byeru, nawe citario ci:nu ce:ru ku bajabi na banyate:kirisya. Okwiganirisya kwebwe ne mitima jebwe jijabiae.

Tiito 1:15 Referans Kwoze

Barumi 14:14

Okuruubhana na ameeyigisyo ga Raatabhugenyi Yeesu, enimenya chimari ati, bhitari‑wo ebhiryo bhyonebhyone ebhijabhi. Nawe araabha omuunu kaarora ati ebhiryo ebhirebhe ni bhijabhi, awo niwo ebhiryo ebhyo bhyabha ebhijabhi ku‑mwene.

Barumi 14:20

Waasiga okunyamura emirimu ja Nyamuwanga kwa okurya ebhiryo bhyonebhyone bhinu oweenda. Chimari, ebhiryo bhyone ebhiikirisibhwa okuriibhwa, nawe ni chikayo ku‑muunu okurya ebhiryo bhinu ebhitura okukongya oweejaabho akore gunu kaarora ati ni chibhiibhi mu‑meeso ga Nyamuwanga.

1 Bakorinto 10:23

Abhaanu abhandi agati yeemwe abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone jiri na omuriiro. Ka wone abhaayika ati, “Chiikirisiibhwe okukora bhuri chiinu chinu echeenda.” Nawe anye enaayika ati, jitari ati emisango joone ejisakira eriikirisya ryeswe rirumatane.

Matayo 15:18

Nawe omusango gwonegwone gunu ogusooka mu‑kanwa ka omuunu, ogusooka mu‑mwoyo gwaye. Ogwo nigwo gunu ogujabhiyasya omuunu.

Barumi 14:23

Nawe, omuunu woonewoone unu ari na echiitimaato inguru ya ebhiryo bhinu kaarya, oyo ariramurwa na Nyamuwanga, kwa okubha keekirisya ati chinu kaakora ni chibhiibhi imbere ya Nyamuwanga. Araabha omuunu kaakora echiinu choonechoone chinu atakwikirisya ati ni cha kisi, awo niwo akorere echibhiibhi.

1 Bakorinto 10:31

Mbe woori, gwonegwone gunu omukora, kubhe ni kurya, kubhe ni kunywa, amwi noorwo omusango ogundi, mugukorega inguru ya okukusya Nyamuwanga.

Ebikorwa 10:15

Obhuraka obhwo nibhubhwira Peetero ati, “Nuusige okubhirikira ebhiinu bhinu Nyamuwanga eesiisye, ati ni bhijabhi.”

1 Bakorinto 8:7

Nawe jitari ati abhaanu bhoone bhari na obhumenyi obhwo, kwa okubha bhari‑wo abhandi bhanu bhaariga bhari na jitungwa ja okuramirisya amasusano. Noorwo woori, omwanya gunu abharya ebhiryo bhinu bhisyengeeywe ku‑masusano, ebhiryo ebhyo ebhibhakora okwiganirisya amasusano. Awo abheerora mu‑mitima jeebhwe ati abhakora echibhiibhi, kwa okubha bhachaari okurumatana mu‑riikirisya.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

1 Bakorinto 10:25

Murye inyama yooneyoone inu eyigusibhwa mw‑iguriro kubhusirisyabhusirisya wuri, korereki mwasiga okunyaaka mu‑mitima jeemwe,

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.